“Chapit 10: Premye Mirak Ki Fèt nan Legliz la: Avril 1830,” Istwa ki nan Doktrin ak Alyans (2002), 43–44
“Chapit 10,” Istwa ki nan Doktrin ak Alyans, 43–44
Chapit 10
Premye Mirak Ki Fèt nan Legliz la
(Avril 1830)
Pwochèn reyinyon Legliz Jezikri a te fèt dimanch 11 avril 1830. Manm Legliz la te vin nan reyinyon an. Yo te rele manm yo Sen.
Anpil lòt moun te vin nan reyinyon an. Yo pa t manm Legliz la. Oliver Cowdery te anseye yo levanjil Jezikri a. Kèk nan moun yo te kwè Oliver e yo te vle vin manm Legliz la. Yo te batize apre reyinyon an.
Satan pa t vle moun vin manm Legliz la. Satan te eseye fè kèk nan bon moun yo pa santi yo byen. Youn nan moun sa yo se te yon mesye ki te rele Newel Knight. Newel Knight pa t yon manm Legliz la. Satan pa t vle l batize.
Joseph te mande Newel pou l fè priyè a nan yon reyinyon. Newel te di li tap priye.
Satan pa t vle Newel obeyi Joseph. Newel te ale nan reyinyon an men li pa t vle priye. Li te di li pè priye fò.
Pita Newel Knight te ale nan forè a. Li te vle priye poukont li. Satan pa t vle l priye. Newel te eseye priye, men li pa t ka pale. Li te vin malad. Li te tris e li te pè. Newel te al lakay li.
Madanm Newel te enkyete anpil pou li. Li te mande Joseph Smith pou l ede Newel. Joseph Smith te sèvi ak pouvwa prètriz li a pou l beni Newel. Apre sa, Newel te santi l byen ankò. Li pa t malad. Li pa t pè. Kè l te kontan. Satan pa t ka fè l anyen. Apre sa, Newel Knight te batize.