“Chapit 9: Vrè Legliz Jezikri a: 6 Avril 1830,” Istwa ki nan Doktrin ak Alyans (2002), 40–42
“Chapit 9,” Istwa ki nan Doktrin ak Alyans, 40–42
Chapit 9
Vrè Legliz Jezikri a
(6 Avril 1830)
Joseph Smith t ap viv nan yon ti vil ki rele Fayette. Fayette te nan eta Nouyòk. Jezikri te di Joseph li te lè pou vrè Legliz la retounen sou tè a. Jezi te mande Joseph pou l kòmanse Legliz la.
Joseph Smith te obeyi. Le 6 avril 1830, li te fè yon reyinyon. Gen senk mesye ki te vin nan reyinyon an pou ede Joseph kòmanse Legliz la. Mesye yo se te Oliver Cowdery, Hyrum Smith, Samuel Smith, David Whitmer, ak Peter Whitmer. Yo tout te batize. Gen lòt moun ki te vin asiste reyinyon an.
Mesye yo te priye Papa ki nan Syèl la. Joseph te òdone Oliver yon ansyen nan Legliz la. Apre sa, Oliver te òdone Joseph.
Joseph ak Oliver te beni Sentsèn nan. Yo te bay mesye yo l.
Joseph ak Oliver te met men yo sou tèt chak mesye yo. Yo te konfime mesye yo kòm manm Legliz Jezikri a. Yo te bay mesye yo don Sentespri a. Yo te di Bondye mèsi.
Jezi te bay Joseph Smith yon revelasyon nan reyinyon an. Jezi te di Joseph se te yon pwofèt.
Lè yon pwofèt pale, li pale pou Jezi. Manm legliz la ta dwe koute pwofèt la. Yo ta dwe obeyi l.
Apre reyinyon an, anpil moun te batize. Yo te batize manman ak papa Joseph Smith. 6 avril 1830 se te yon gwo jou. Vrè Legliz Jezikri a te sou tè a ankò.