“Chapit 55: Plis Pwoblèm pou Sen yo: 1843–1844,” Istwa ki nan Doktrin ak Alyans (2002), 199–200
“Chapit 55,” Istwa ki nan Doktrin ak Alyans, 199–200
Chapit 55
Plis Pwoblèm pou Sen yo
(1843–1844)
Pifò nan moun toupre Nauvoo yo pa t manm Legliz la. Anpil ladan yo pa t renmen Sen yo. Yo pa t vle Sen yo kòm dirijan vil la. Yo te kreye manm Legliz la pwoblèm.
Moun sa yo te met tèt yo ansanm pou fòme popilas. Yo te vòlè zannimo Sen yo. Yo te boule depo ak kay. Yo t ap chèche fè Sen yo kite Nauvoo. Lapolis ak sòlda yo pa t vle bloke popilas yo. Gouvènè a pa t vle ede Sen yo.
Joseph Smith te di Sen Nauvoo yo yo tap gen pwoblèm. Bagay Joseph Smith te di yo te vin fèt vre. Joseph te konnen Sen yo tap gen pou yo kite Nauvoo. Yo ta dwe ale kote pèsonn pa tap nui yo.
Joseph Smith te fè yon reyinyon ak Apot yo ak kèk lòt mesye. Li te di yo pou jwenn yon kote Sen yo ta kapab al viv.
Joseph Smith te gade nan kat peyi a. Kat yo te montre yon kote ki te gen anpil mòn wo ak gwo vale. Se Endyen ki t ap viv la. Joseph te konnen kote sa a tap yon bon kote pou Sen yo. Popilas yo pa ta ka fè yo anyen. Joseph te espere Sen yo ta kapab al viv kote sa a.
Te gen lòt moun an Nauvoo ki te manm Legliz la. Men yo pa t kwè nan levanjil la ankò. Yo te rayi Joseph Smith. Yo te vle touye l. Yo te kòmanse yon jounal, yo te ekri move bagay sou Joseph ak Sen yo.
Dirijan Nauvoo yo te fache kont jounal la. Kèk ladan yo te ale nan lokal jounal la. Yo te boule jounal yo. Yo te detwi emprimè a. Jounal la pa t ka enprime ankò.