“Chapit 41: Pwoblèm nan Kirtland: 1837,” Istwa ki nan Doktrin ak Alyans (2002), 158–60
“Chapit 41,” Istwa ki nan Doktrin ak Alyans, 158–60
Chapit 41
Pwoblèm nan Kirtland
(1837)
Sen yo nan Kirtland, Ohio, te kontan. Senyè a te beni yo.
Gen kèk ansyen ki te kite Kirtland. Yo te al anseye moun levanjil la. Anpil moun te koute ansyen yo epi yo te vin manm Legliz la.
Apre sa, pwoblèm te kòmanse nan Kirtland. Sen yo te gen yon bank. Yo te mete lajan yo nan bank lan.
Kèk nan Sen yo te vle gen anpil lajan. Gen yon mesye ki t ap travay nan bank lan ki pa t onèt. Li te volè nan kòb yo.
Joseph Smith te di lòt mesye yo pou yo byen jere kòb yo. Men mesye yo pa t obeyi Joseph. Bank lan te oblije fèmen. Tout kòb te disparèt. Sen yo pa t ka jwenn kòb yo ankò.
Anpil Sen te fache anpil. Yo te di bank lan ki fèmen an se fòt Joseph Smith. Kèk nan pi bon zanmi Joseph yo te di move bagay sou li. Kèk ladan yo te vle touye l.
Kèk nan dirijan Legliz la te fache anpil. Yo pa t vle rete manm Legliz la ankò. Yo te vin tounen lenmi Legliz la. Yo te mechan. Joseph Smith te tris anpil.
Gen lòt dirijan Legliz ki te renmen Joseph e ki te ede l. Yo te konnen Legliz Jezikri a te vrè. Brigham Young se youn nan dirijan ki te jis yo. Brigham te di Sen yo li te konnen Joseph Smith se te yon pwofèt Bondye.
Lenmi Legliz la yo te fache kont Brigham Young. Li te oblije kite Kirtland pou yo te ka pa fè l anyen.
Lenmi Legliz la yo te bay anpil pwoblèm nan Kirtland. Yo te al fè move bagay nan tanp lan.
Tanp lan pa t sakre ankò. Li pa t kapab Kay Senyè a ankò. Joseph te tris paske moun t ap fè move bagay. Li te regrèt te gen tout pwoblèm sa yo.