Lesona 1
“Ia Talitonu Ai Outou, O Iesu o le Keriso Lava Ia”
Isaia 61:1–3; Faaliliuga a Iosefa Samita, Luka 3:4–11; Ioane 1:1–14; 20:31
-
O le a se mea ua e aoaoina e uiga ia Iesu Keriso mai le Ioane 1:1–3, 14? (Ia iloa o le “Lokou” i le Ioane 1:1, 14 o lo o faatatau i le Faaola.
-
Na faapea mai le Aposetolo o Ioane “sa ia [Iesu] le ola” (Ioane 1:4). Sa ia molimauina foi o Iesu “o le Malamalama moni lea, na te faamalamalamaina tagata uma lava i lona maliu mai i le lalolagi” (Ioane 1:9). Ua faapefea ona tuuina mai ia te oe e le Faaola le ola ma le malamalama?
-
O a ni tala faatusi paia po o ni aoaoga patino i le Feagaiga Fou ua musuia pe fesoasoani ia te oe? E faapefea ona faamalosia lau molimau ia Iesu Keriso i lou aoaoina o le Feagaiga Fou i lenei tausaga?
Fautuaga mo Talanoaga i Aiga
Faitau le Ioane 1:1–3 po o le Faaliliuga a Iosefa Samita, Ioane 1:1–3. Faamatala atu o Iesu (le Lokou” i le Ioane 1:1–3) na faia le lalolagi i lalo o le taitaiga a le Tama Faalelagi. Ia savalivali faatasi o se aiga, ma vaavaai atu i le tele o mea matagofie na ia foafoaina.