Lesona 22
“Ia Fai Mo Outou Tofi Le Malo ua Saunia Mo Outou”
-
O le faataoto i taupou e sefulu (Mataio 25:1–13) o se faaaliga lea o le Afio Faalua Mai. O le faatoa faiava o lo o faatatau i le Faaola, o taupou e sefulu o lo o faatatau i tagata o le Ekalesia, ma le suauu mo a latou lamepa o lo o faatatau i sauniuniga mo le Afio Faalua Mai. O a nisi auala tatou te faaopoopoina ai “suauu” i a tatou “lamepa”?
-
I le Mataio 25:14–30, o taleni o lo o faatatau lea i meaalofa mai le Atua. O tagata taitoatasi uma ua tuuina i ai se meaalofa e tasi mai le Atua (MFF 46:11–12), a o isi meaalofa e faigofie ona iloa nai lo isi. O a nisi meaalofa atonu e faigata ona iloa ae mafai ona faaaoga e auauna ai i isi ma viia ai le Atua?
-
O le a sou manatu i le uiga o le saunoaga lea a le Faaola, “Aua na faia e outou i le tasi o e aupito itiiti o o’u uso nei, o au lea na outou faia i ai”? (Mataio 25:40; tagai foi i le Mosaea 2:17).
Fautuaga mo Talanoaga i le Aiga
Faitau le faataoto i taleni (Mataio 25:14–30), ma faamatala atu o taleni o lo o faatatau i meaalofa mai le Atua. Fesili atu i tagata taitoatasi o le aiga e talanoa i se taleni se tasi pe lua po o meaalofa ua faamanuiaina ai o ia. Ona tuu atu lea i tagata o le aiga e faamatala mai ni taleni po o ni meaalofa ua faamanuiaina ai isi tagata o le aiga. Ia talanoaina ni auala e mafai ai ona faaaoga e tagata o le aiga ia meaalofa e fesoasoani ai i le fausia o le malo o le Atua i le lalolagi.