Lesona 35
“Ia Outou Lelei Ma Le Atua”
2 Korinito
-
Aisea na mafai ai e Paulo ona tetee atu i le lotovaivai e ui ina puapuagatia, le mautonu, faasauaina, ma tuulafoaina? (Tagai 2 Korinito 1:3–5; 4:5–15.) O faapefea ona fesoasoani atu le Tama Faalelagi ma Iesu Keriso ia te oe i taimi o puapuaga?
-
Sa lapataia e Paulo le Au Paia e faamagalo atu i isi (2 Korinito 2:5–8). Aisea e taua ai lo tatou faamagalo atu i isi? (Tagai Mataio 6:14–15; 2 Korinito 2:7–8; MFF 64:9–10.) O le a le mea tatou te faia ina ia faatupulaia ai lo tatou agaga faamagalo atu?
-
O le a le uiga o le “tiga e tusa i le Atua” mo a tatou agasala? (2 Korinito 7:9–10). Aisea ua avea ai le tiga e tusa i le Atua ma vaega taua o le salamo?
Fautuaga mo Talanoaga i Aiga
Faitau le 2 Korinito 1:3–4, ma gaua’i atu i taumafaiga a Paulo e faamafanafana i isi “e ala i le faamafanafanaga, ua faamafanafanaina ai i tatou i le Atua.” Ia faatulaga se asiasiga i se falemai, faalapotopotoga o sulufaiga, po o se nofoaga mo e mama’i ma e matutua. Fesoasoani i le saunia o se taumafataga, faafiafiaina tagata o lo o nonofo ai, po o le tuuina atu foi o meaai, lavalava, po o isi mea o lo o manaomia.
Atonu e te manao e usu faatasi e le aiga le “Ona Ua Maua Tele” (Viiga nu. 124), e avea o se vaega o le talanoaga i aiga.