Lesona 23
“Ia Outou Fealofani, Faapei Ona Ou Alofa Atu Ia Te Outou”
-
Ina ua faapotopoto Iesu ma ana Aposetolo mo le taumafataga o le Paseka, na ia faamatala atu sauniga o le faamanatuga (Luka 22:19–20). Aisea e taua ai le ‘aai i le faamanatuga i vaiaso taitasi? E faapefea ona e saunia oe lava faaleagaga ae e te le i ‘ai i le faamanatuga?
-
O le a le mea na tau atu e Iesu i ana Aposetolo e uiga i le mafuaaga na ia mulumuluina ai o latou vae? (Tagai Ioane 13:12–17.) E faapefea ona aumaia le fiafia i lou auauna atu i isi?
-
Na fetalai mai Iesu, “O le mea lea e iloa ai e tagata uma lava o o’u soo outou pe afai ua outou fealofani” (Ioane 13:35). Pe o faaalia ea e auala o lo o e faaali atu i isi o oe o se soo, po o se tasi e mulimuli ia Keriso? O a nisi o mea patino e mafai ona e faia e mulimuli ai i faataitaiga o le alofa o Keriso?
Fautuaga mo Talanoaga i Aiga
Fai atu i se tagata o le aiga e faitau le Mataupu Faavae ma Feagaiga 20:77. Ia talanoaina le uiga o le areto o le faamanatuga. Fai atu i se isi tagata o le aiga e faitau mai le Mataupu Faavae ma Feagaiga 20:79. Ia talanoaina le uiga o le vai o le faamanatuga, ma manatua i le taimi nei ua tatou faaaogaina le vai ae le o le uaina. Faamatala atu pe a tatou tagofia le faamanatuga, ua tatou folafola atu o le a tatou manatuaina pea Iesu. Talanoa e uiga i mea e mafai ona fai e tagata o le aiga e fesoasoani latou te manatua ai Iesu.
Atonu e te manao e usuina faatasi le viiga o le faamanatuga e avea ma vaega o le talanoaga i aiga.