Lesona 10
“Ia Outou Amoina La’u Amo, Ma Ia Outou Faaa’oa’o Ia Te Au”
-
O a ni faataitaiga o ni mafatiaga o lo o tatou feagai i lenei olaga? E faapefea ona “faamaloloina i tatou” e le Alii mai nei mafatiaga? (Tagai Mataio 11:28–30.) O le a le uiga o lou amoina o le amo a le Alii? (Tagai i le vaega o le faasologa o mau.)
-
O le fafine na ulufale atu i le fale o Simona le Faresaio o se fafine agasala (Luka 7:37). O le a le mea a le fafine na fai na aveesea ai e Iesu ona mafatiaga? (Tagai Luka 7:38, 44–50.) O le a se mea e mafai ona tatou faia e mafai ai ona aveesea e le Faaola mafatiaga o agasala mai o tatou olaga?
Fautuaga mo Talanoaga i Aiga
Tuu atu i se tagata o le aiga na te uuina se apa po o se pusa e le o i ai ni mea i totonu. Fai atu i isi tagata o le aiga e tuu ni mea taitasi i totonu. Pe a mamafa lena apa/pusa, ona fai atu lea i se tagata o le aiga e na te amoina. Faamatala atu o mea na tuuina i totonu ua faatusaina i mafatiaga o lo o tatou tauaveina, e pei o faigata ma faanoanoaga. O le fesoasoani mai le tagata lona lua o le aiga ua faatusaina i mea na ofoina mai e le Faaola mo i tatou pe a tatou omai ia te ia pe a tatou “tigaina ma mafatia i avega” (Mataio 11:28). Faitau le Mataio 11:28–30 ma le Mosaea 24:8–15, ma fesoasoani i tagata o le aiga ia malamalama afai tatou te mulimuli i le Faaola, o le a ia aveesea o tatou mafatiaga ma faamamaina.