Lesona 37
Iesu Keriso: “O Le Na Te Taitaiina ma Le Na Te Faaatoatoaina Le Faatuatua”
Eperu
-
O le a se mea ua e aoaoina e uiga ia Iesu Keriso mai le Eperu 1?
-
Aisea e taua ai le “filifilia e le Atua” o i latou uma e umia le perisitua nai lo le “fai fua e ia lava”? (Eperu 5:4).
-
Na tuuina mai e Paulo ni faataitaiga se tele i tagata na latou faataunuuina le tele o mea e ala i le faatuatua ia Iesu Keriso. O ai na ia taua? (Tagai Eperu 11:4–12, 17:34.)
-
Na faapea mai Paulo o le faatuatua e mafai ona fesoasoani ia i tatou i taimi o puapuaga ma mafatiaga (Eperu 11:32–38). E faapefea ona fesoasoani le faatuatua i lou feagai ai ma mafatiaga? O a nisi faamanuiaga ua e mauaina (po o se isi e te iloa) e ala i le faatinoina o le faatuatua ia Iesu Keriso?
Fautuaga mo Talanoaga i Aiga
Ia toto se fatu. Faitau le Eperu 11:1 ma le Alema 32:21, ma talanoaina o le totoina o se fatu o se faatinoga lea o le faatuatua. Ona faitau lea o le Iakopo 2:17. Ia ta’u atu o galuega e taua tele ma e fesoasoani i le tuputupu ae o se fatu. I le vaiaso o le a sau, ia tausia faalelei le fatu ua e totoina ma siaki i taimi uma e iloa ai pe faapefea ona fesoasoani au galuega ma lou faatuatua e ola ai lenei fatu.