Lesona 32
“Ola i le Agaga”
Galuega 18:23–20:38; Kalatia
-
Na faaiu e Paulo ana upu i faifeau o Efeso i lona faamanatu atu ia i latou o aoaoga a le Alii e “sili le manuia o le na te foai atu i lo le na te talia mai” (Galuega 20:35). E faapefea ona e faamaonia lea tulaga i lou olaga?
-
Na uunaia e Paulo tagata i Kalatia e saili i fua, po o taunuuga o le ola i le Agaga (Kalatia 5:16, 25). O a nisi o nei fua? (Tagai i le vaega o le faasologa o mau.) E faapefea ona faaali mai ia fua i lou olaga? O le a se mea e tatau ona tatou faia pe afai tatou te le o mauaina ia fua i o latou olaga?
-
O le a le uiga “o le mea e luluina e le tagata, o le mea lava lea e seleseleina mai ai e ia”? (Tagai Kalatia 6:7–9.) E faapefea ona faatatau lea aoaoga i lo tatou agavaa e faalogo ma mulimuli i musumusuga a le Agaga Paia? E faapefea ona faatatau i lo tatou va ma isi tagata ma isi vaega i o tatou olaga?
Fautuaga mo Talanoaga i Aiga
Fai atu i tagata o le aiga pe faapefea ona latou iloa o lo o i ai musumusuga a le Agaga i le aiga. Ia talanoaina mea e mafai ona outou faia faaleaiga e valaaulia ai le Agaga. Ia faia ni sini faaleaiga e valaaulia ai le Agaga i le aiga i le vaiaso o le a sau.