Lesona 33
“O Le Malumalu Outou o le Atua”
-
O le a le faafitauli na apoapoa’i atu ai Paulo i le 1 Korinito 1:10–13? E faapefea ona avea feeseeseaiga ma fefinauaiga ma aafiaga o le avea o i tatou ma soo o Keriso? (Tagai Mosaea 18:21–22; 3 Nifae 11:29–30; MFF 38:27.) O le a le apoapoaiga a Paulo i le Au Paia i mea latou te faia ina ia tasi ai i latou? (Tagai 1 Korinito 1:10.)
-
Na aoao atu e Paulo o le atamai o le Atua “e faavaleaina ai” le poto o le lalolagi (1 Korinito 1:18–21). O le a le eseesega o le atamai o le Atua ma le poto o le lalolagi? (Tagai Isaia 55:8–9; MFF 38:1–2.) O a ni faataitaiga o le faavaleaina o le poto o le lalolagi e le atamai o le Atua? E faapefea ona tatou iloa “mea a le Atua”? (Tagai 1 Korinito 2:10–13.)
-
O le a le mea na faatusa i ai e Paulo o tatou tino? (Tagai 1 Korinito 3:16–17; 6:19–20.) O le a le mea e mafai ona tatou faia ina ia tausia ai o tatou tino o ni malumalu? O a faamanuiaga o le mama?
Fautuaga mo Talanoaga i Aiga
Faamatala atu e masani ona fesootai Paulo ma tagata o le Ekalesia e ala i le tuuina atu o ana savali po o ni tusi. Talanoaina nisi o auala o lo o tatou fesootai ai ma perofeta, aposetolo ma taitai o le Ekalesia i ona po nei. Faitau faatasi ma le aiga se lauga o se konafesi mai le Liahona po o se isi lava lomiga a le Ekalesia. Ia talanoaina pe faapefea ona e faaaogaina lea savali.