Lesona 43
“Tupulaga Ua Filifilia”
1 Peteru ma le 2 Peteru; Iuta
-
O le a se mea e mafai ona tatou faia tatou te mulimuli ai i faataitaiga a le Faaola ma tali atu ai i faaosoosoga ma sauaga? (Tagai 1 Peteru 2:19–23.) O a ni faataitaiga ua e vaaia i tagata e ola faapei o Keriso i le onosaia o faaosoosoga? E faapefea ona faamanuiaina i tatou i lo tatou mulimuli i le Faaola ma tali atu i faaosoosoga?
-
O a ni uiga na faamatala mai e Peteru o se vaega o le natura faaleatua? (Tagai 2 Peteru 1:4–7.) Aisea e taua ai lo tatou atinaeina o ia uiga? (Tagai 2 Peteru 1:8.) E faapefea ona e vaaia ia uiga o faaalia e isi?
-
Na lapatai mai Peteru ma Iuta o le a i ai ni aoao pepelo i tagata o le Ekalesia. O a ni mea na latou taua mai o ni uiga e iloa ai o ni aoao pepelo? (Tagai 2 Peteru 1–3, 10, 12–19; Iuta 1:4, 8, 10–13, 16, 18–19.) O a ni fautuaga na tuuina mai e Peteru ma Iuta o le a fesoasoani ia i tatou e teena ai aoaoga sese ma tumau ai i le faatuatua a o tatou sauni atu mo le Afio Faalua Mai? (Tagai 2 Peteru 3:11–14, 17–18; Iuta 1:3, 20–21; tagai foi Moronae 7:12–17; MFF 45:57; 46:7–8.)
Fautuaga mo Talanoaga i Aiga
Ia filifilia se fua mo ni meaai e saunia faatasi. Ia faitau faatasi le aiga i le fua o le meaai, talanoaina pe aisea e taua ai le maua uma o mea o lo o taua i le fua. Afai e maea, ona faitau atu lea o le 2 Peteru 1:4–8. Talanoaina le mafuaaga e taua ai natura faaleatua taitasi ina ia tatou avea ai faapei o le Tama Faalelagi ma Iesu Keriso.