Lesona 13
“Ou Te Avatu Foi Ia Te Oe Ki o le Malo”
-
Na fetalai atu Iesu ia Peteru, “Ou te ati ae foi lau Ekalesia i luga o lenei papa” (Mataio 16:18). Na aoao mai e le Perofeta o Iosefa Samita o le papa o lo o talanoa i ai Iesu o faaaliga (Teachings of the Prophet Joseph Smith, sel. Joseph Fielding Smith [1976], 274). O a ni auala ua avea ai faaaliga ma faavae o le Ekalesia a le Alii?
-
Na aoao mai e Elder David B. Haight o le Liua o Iesu “ua i ai lea mo le faamalamalamaina o i tatou faaleagaga faatasi ma i latou o e na molimauina” (Lipoti o le Konafesi, Aperila 1977, 8; po o le Ensign, May 1977, 7). O le a se mea ua e aoaoina mai le Liua e fesoasoani i lou manaomia o le malosi faaleagaga? (Tagai Mataio 17:1–5.)
Fautuaga mo Talanoaga i Aiga
Faitau le Mataio 16:13–17. Faamatala atu sa mauaina e Peteru se molimau ia Iesu Keriso e ala i faaaliga, ma e mafai foi ona tatou maua se molimau i le Faaola i lea lava ala e tasi. Tau atu i tagata o le aiga le auala na e maua ai se molimau ia Iesu Keriso ma mea o lo o e faaauau pea ona faia e faamalosia ai lau molimau. Afai e talafeagai, ia fai atu i tagata o le aiga e tuuina atu a latou molimau. Uunaia i latou e faamalosia a latou molimau e ala i le tatalo i aso taitasi, suesue i tusitusiga paia, ma usitai i tulafono a le Atua.