Lesona 27
“E Le O Iinei o Ia, Aua Ua Toe Tu Mai O Ia”
-
Aisea e taua ai le iloa o Iesu na toe tu mai le oti? O le a se aafiaga o lenei tala i le tagata? O le a se aafiaga ia te oe?
-
O le Alii toetu na faaali atu ia lava i ona Aposetolo e toafitu a o fagogota i latou ma i se tulaga faavavega na latou maua le tele o i’a (Ioane 21:4–7). Ina ua uma ona taumamafa i latou, o le a le mea na fai atu ai Iesu ia Peteru ma isi Aposetolo e fai? (Tagai Ioane 21:15–17.) E faapefea ona tatou fafagaina mamoe a le Alii?
-
O le a se mafuaaga na tuuina mai e Ioane na ia tusia ai nisi o mea na tuuina mai ma faia e le Alii toetu o Iesu? (Tagai Ioane 20:30–31.) Ua faapefea ona faamanuiaina oe i lou suesue i le tala faatusi paia i le Toetu o Iesu?
Fautuaga mo Talanoaga i Aiga
Fai atu i se tagata o le aiga na te faamauluina se totigi lima i lona lima, ona faagaoioi lea o ona tamatamailima. Faamatala atu o le totigi lima o lo o suitulaga lea i o tatou tino a o le lima o lo o suitulaga i o tatou agaga. O le agaga e tuufaatasi ma le tino ona maua ai lea o le tagata ola. Fai atu i le tagata o le aiga e aveese le totigi lima. Faamatala atu afai tatou te feoti, o le a aveesea o tatou agaga mai o tatou tino. Ona oti lea o o tatou tino, ae ola pea o tatou agaga. Fai atu i le tagata o le aiga e toe faamaulu le totigi lima i lona lima. Faamatala atu o le toetu o le toe faatasia lea o le agaga ma le tino. Pe a tatou toe tutu, o le a tatou le toe oti pe toe mama’i foi. Molimau atu ona o le Toetu Mai o Iesu Keriso, ua mafai ai ona maua e tagata uma le toe tutu. (O lenei lesona faatino, na siiina mai i se tautalaga a Elder Boyd K. Packer [Lipoti o le Konafesi, Aperila, 1973, 79–80; po o le Liahona Fepuari 1974, 51, 53].)
Atonu e te manao e usu faatasi le “Ua Toe Tu Mai O Ia” (Viiga nu. 111), e avea o se vaega o talanoaga i aiga.