Lesona 44
“O Le Atua O Le Alofa Lava Ia”
1 Ioane, 2 Ioane, ma le 3 Ioane
-
O le a le upu na faaaoga e Ioane e faamatala ai le Tama Faalelagi i le 1 Ioane 4:8, 16? Aisea e talafeagai ai lea upu?
-
Faitau le 1 Ioane 4:9–10. O a ni faailoga o le alofa o le Atua na taua e Ioane i nei fuaiupu? (Tagai foi i le Ioane 3:16; 1 Ioane 5:11; 2 Nifae 9:10.) Na faapefea ona avea le tuuina mai o lona Atalii e togiola ai a tatou agasala ma faailoga o le alofa o le Tama Faalelagi mo i tatou?
-
Na aoao mai Ioane o le a tali mai le Tama Faalelagi i a tatou talosaga pe a tatou ole atu e tusa ai ma Lona finagalo (1 Ioane 5:14–15). E faapefea ona e lagonaina le alofa o le Tama Faalelagi i le tatalo?
-
Na faapefea ona faamatalaina e Ioane i latou o e fai mai e alolofa i le Atua ae le “alolofa i isi”? (Tagai 1 Ioane 2:9, 11; 3:14–15, 17; 4:20.) Aisea e avea ai lo tatou alolofa atu i isi ma fua o lo tatou alofa i le Atua?
-
Aisea e olioli ai matua pe a latou “faalogo ua savavali [a latou] fanau i le upu moni”? (3 Ioane 1:4).
Fautuaga mo Talanoaga i Aiga
Fai atu i le aiga o le a outou faimalaga e sailiili faatasi. Ona savavali lea, pe tietie foi, ia outou taula’i atu i ni mea e fesoasoani i tagata o le aiga latou te iloa ai le alofa o le Tama Faalelagi ma Iesu Keriso mo i latou. A maua e se tagata o le aiga se mea e faailoa mai ai le alofa o le Tama Faalelagi ma Iesu Keriso, ona tusi lea i lalo. A maea la outou sailiiliga po o la outou faigamalaga, ona faitau atu lea o le lisi na outou tusia.