Lesona 17
“Se a Se Mea Ou Te Faia, Ina Ia Ou Maua ai le Ola e Faavavau?”
-
O a faamanuiaga e sili atu nai lo oa o le lalolagi? (Tagai Luka 12:31–34; MFF 6:7 mo ni faataitaiga.)
-
Aisea e mafaufau ai le toatele o tagata i oa o le lalolagi e ui lava ina latou iloa ua na o sina taimi lava? E faapefea ona tatou iloa pe o tatou naunau i oa o le lalolagi?
-
O le a le mea o lo o manao le Alii e te ositaulaga atu ai? E faapefea ona faamanuiaina oe i le faia o nei taulaga?
Fautuaga mo Talanoaga i Aiga
Ia tuu ni tusitusiga paia i le isi itu o le potu ae tuu se tupe i le isi itu. Valaaulia se tagata o le aiga e taumafai e savali i se laina sao agai i tusitusiga paia a o ia tilotilo atu i le tupe. Afai e faigata ona oo atu le tagata o le aiga i tusitusiga paia, fesiligia pe aisea e faigata ai. Afai e taunuu atu o ia i tusitusiga paia, fesiligia pe o le a le umi o le a ia alu ai e aunoa ma lona le mautonu i le laina. Faitau le Mareko 10:17–24, ma faamatala atu e le mafai ona tatou ulu atu i le malo o le Atua (na suitulaga ai tusitusiga paia) pe afai tatou te taulai atu i oa o le lalolagi (na suitulaga ai le tupe). Talanoaina le auala e atinae ma faamautu ai a tatou amioga e uiga i oa faaletino.