Lesona 28
“O Molimau I Matou Nei”
-
Na faapefea ona fesoasoani le meaalofa o le Agaga Paia i Aposetolo i la latou tiutetauave o le avea ma molimau ia Iesu Keriso? (Tagai Ioane 15:26–27; 1 Korinito 12:3.) O le a le galuega a le Agaga Paia i a tatou taumafaiga e aoao atu le talalelei? (Tagai 2 Nifae 33:1; MFF 42:14.)
-
Na faapefea ona tali atu Peteru ia i latou na faifai i Aposetolo i lo latou tautatala atu i gagana? (Tagai Galuega 2:14–24, 36.) O le a se mea e te maofa ai i le tali a Peteru? Aisea e taua ai le i ai o se molimau ia Iesu Keriso ma lana misiona faaleatua? E faapefea ona fesoasoani le Agaga Paia ia i tatou i le tuuina atu o a tatou molimau?
-
Na faaaoga e Peteru se vavega e avea ma avanoa e molimau atu ai ia Iesu Keriso? (Galuega 3:12–26; 4:5–12). O a ni avanoa ua e maua e molimau atu ai ia Keriso? O faapefea ona faamanuiaina oe i le avea ai ma molimau (po o lou faalogo i nisi ua avea ma molimau) ia Iesu Keriso?
Fautuaga mo Talanoaga i Aiga
Faitau le Mosaea 18:8–9, ma taulai atu i le faatonuga ia “laulaututu e fai ma molimau a le Atua i aso uma, ma mea uma, atoa ma nuu uma tou te i ai.” Fai atu i tagata o le aiga pe faapefea ona latou mulimuli i lea faatonuga. Tuu atu i se tagata o le aiga e fetufaai mai se mea na oo ia te ia i le avea ai o ia ma molimau ia Iesu Keriso ma lana talalelei. Uunaia tagata o le aiga e avea ma molimau o le Faaola i mea latou te faia ma tautatala ai i le vaiaso o le a sau.