“Ia Muai saili le Malo o le Atua”

O le a le taui o tagata latou te faia ni mea lelei ina ia iloa mai e isi? (Tagai Mataio 6:2, 5, 16.) O a ni mea tatou te ono faia ina ia iloa mai e isi ae le mo le faamalieina o le Atua? E faapefea ona faamama o tatou faamoemoega mo le auauna atu i isi ma le faia o isi galuega lelei?
O le aoaoga o lo o i le Mataio 7:12 e masani ona taua o le Tulafono Faaauro. O a ni mea na tutupu ua faailoa atu ai ia te oe le taua o lea aoaoga faavae? E faapefea ona avea i tatou ma soo moni o Iesu pe a tatou mulimuli i le Tulafono Faaauro?
Na folafola mai e Iesu afai tatou te “saili … muamua le malo o le Atua,” o le a tatou mauaina isi mea uma o lo o tatou manaomia (Mataio 6:33). O a ni mea na tutupu na fesoasoani e te maua ai se molimau i lenei folafolaga?

Fautuaga mo Talanoaga i Aiga

Faaali atu se maa ma se faaputuga oneone. Fesili atu i tagata o le aiga po o le fea o nei mea latou te faaaogaina e avea ma faavae o se fale. Faitau le Mataio 7:24–27, ma talanoaina pe faapefea ona tutusa le fausia o o tatou olaga i luga o aoaoga a le Faaola ma le fausia o se fale i luga o se faavae maa mautu.
Faaali atu se faafanua. Fesili atu i tagata o le aiga pe faapefea ona fesoasoani le faafanua e fuafua ai se malaga. Afai sa malaga lou aiga i se taimi lata mai pe o faamoemoe e faimalaga i se taimi lata mai, talanoaina pe sa faapefea ona faaaoga le faafanua i le taimi o le malaga, pe faapefea foi ona faaaoga pe a alu le malaga. Faamatala atu i la tatou faigamalaga i le ola e faavavau, o tusitusiga paia ma aoaoga a perofeta soifua ua faatusaina i le faafanua, e fesoasoani tatou te iloa ai le auala tatou te toe foi atu ai i lo tatou Tama Faalelagi.