Lesona 42
“Amio Lelei Atoatoa”
Iakopo
-
O le a le fautuaga o lo o tuuina mai i le Iakopo mo i latou “e le o i ai se poto”? (Tagai Iakopo 1:5–6.) Na faapefea ona aafia le Perofeta o Iosefa Samita i lea fautuaga? (Tagai Talafaasolopito a Iosefa Samita 1:11–13.) O a ni mea na oo ia te oe i lou mauaina o ni tali i au tatalo?
-
Na aoao mai Iakopo ia tatou “faataalise ona faalogologo, ia faagesegese ona tautala atu” (Iakopo 1:19). O a ni mea na oo i lou olaga e faamaonia ai le moni o ia fautuaga?
-
O le a le mea na faamamafa mai e Iakopo e tatau ona tatou faia tatou te ola ai i le amio lelei atoatoa? (Tagai Iakopo 1:27.) Aisea e te manatu ai o le asiasi atu ma le fesoasoani ia i latou o lo o manaomia se fesoasoani o se vaega o le amio lelei atoatoa? O le a se mea e mafai ona e faia e te “le pisia ai mai mea a le lalolagi”?
Fautuaga mo Talanoaga i Aiga
Na faapea mai Iakopo o se vaega o le faataitaiina o le “amio lelei atoatoa” o le “Le pisia lea o i tatou mai mea faalelalolagi” (Iakopo 1:27). Ia talanoaina pe faapefea e nei aoaoga ona aafia ai a tatou filifiliga i aso taitasi. I la outou talanoaga, atonu e te manao e agai atu a outou talanoaga i le tamai tusi o le “Mo le Malosi o le Autalavou (34285), o lo o i ai ni fautuaga mai le Au Peresitene Sili i le auala e tausia ai i tatou ina ia tatou “le pisia mai mea a le lalolagi.”