Lesona 31
“Ua Faamalosia Foi Ekalesia i le Faatuatua”
Galuega 15:36–18:22; 1 Tesalonia ma le 2 Tesalonia
-
Na faapefea ona talia e tagata sa i le sunako o Perea aoaoga a Paulo? (Tagai Galuega 17:10–12.) E mafai faapefea ona “saunia lou mafaufau” e aoao i le talalelei?
-
O le a le mea na aoao atu e Paulo i tagata Atenai e uiga i le Atua? (Tagai Galuega 17:22–31; tagai foi i le Faaliliuga a Iosefa Samita o le Galuega 17:27 i le faasino mau 27.) Aisea e taua ai le iloa “o i tatou o fanau a le [Atua]”? (Galuega 17:28). E faapefea ona fesoasoani lo tatou iloa o le natura moni o le Atua ma lona tiute o se Tama, tatou te alolofa ai ma tapuai ia te ia?
-
O le a le mea o lo o aoao mai e Paulo i le 1 Tesalonia 1:5, 1 Tesalonia 2:2–12 e uiga i le auala e aoao atu ai le talalelei i isi? E faapefea ona fesoasoani lou mulimuli i nei aoaoga e te aoao atu ai le talalelei?
Fautuaga mo Talanoaga i Aiga
Ia fuafua e valaaulia faifeautalai faamisiona i la outou eria, mo se taumafataga i lou fale. Fai atu i ai e fetufaai mai ni o laua lagona e uiga i le taua o le galuega faafaifeautalai ma talanoaina pe na faapefea ona laua saunia e auauna atu o ni faifeautalai faamisiona.
Atonu e te manao e usu faatasi le “Tofia e Auauna i le Atua” (Viiga nu. 156); e avea ma vaega o lenei talanoaga.