Lesona 12
“O Au Nei le Areto o le Ola”
-
Sa luitauina e Iesu taitai Iutaia e “suesue i tusi” (Ioane 5:39). O le a le eseesega o le suesue i tusitusiga paia ma le faitau? E faapefea ona e faatauaina au lava suesuega ma suesuega faaleaiga i tusitusiga paia? Pe ua faamanuiaina ea oe i lou suesue i tusitusiga paia?
-
Aisea na solomuli ai le faatuatua o Peteru a o ia savali i luga o le vai? (Tagai Mataio 14:30.) E faapefea ona tatou faia lea foi mea sese i nisi taimi pe a oo mai faigata?
-
E faapefea ona avea le “areto o le ola” ma faamatalaga talafeagai i le Faaola ma faamanuiaga ua ia ofoina mai mo i tatou? (Tagai Ioane 6:35, 47–51.) E faapefea ona tatou fetagofi atu i le “areto o le ola”? (Tagai Ioane 6:47, 51–54; Mataio 26:26–28; Alema 5:33–35; MFF 20:77.)
Fautuaga mo Talanoaga i Aiga
Faitau le Mataio 14:22–32. Faamanino atu sa faaalia le faatuatua tele o Peteru ina ua ia savali i luga o le vai, ae na amata ona magoto o ia ina ua amata ona ia fefe. Faaali atu se ata o Iesu Keriso, ma fautuaina tagata o le aiga e ui lava ina oo mai taimi latou te feagai ai ma faigata, e mafai ona aveeseina lo latou atuatuvale pe a latou manatua le Faaola ma mulimuli ia te ia. Fai atu i tagata o le aiga e faamatala mai ni taimi na mafai ai ona foia lo latou atuatuvale ina ua latou manatuaina Iesu Keriso ma ana aoaoga.