Lesona 25
“Aua Le Faia Lo’u Loto, A o Lou Finagalo”
-
Aisea na naunau ai Iesu e gauai atu i faigata na ia iloa o le a oo ia te ia i le Faatoaga o Ketesemane? (Tagai Mataio 26:39, 42, 44.) O le a se mea ua e aoaoina mai le tatalo a le Faaola i Ketesemane? Ua faapefea ona faamanuiaina oe i lou gauai atu i le finagalo o le Tama Faalelagi?
-
O le a le mea na oo i le Faaola i Ketesemane? (Tagai MFF 19:16–19; Luka 22:44; Mosaea 3:7; Alema 7:11–13.)
-
Aisea tatou te manaomia ai le Togiola a Iesu Keriso? (Tagai 1 Nifae 10:21; 2 Nifae 2:5–9; Alema 34:9; Mose 6:48.) O a faamanuiga o lo o avanoa mo i tatou ona o le taulaga togiola a le Faaola? (Tagai Mosaea 16:7–8; Alema 7:11–13; MFF 19:23.) E faapefea ona tatou mauaina nei faamanuiaga? (Tagai Alema 7:14; Mataupu Faavae o le Faatuatua 1:3.)
Fautuaga mo Talanoaga i Aiga
Faaali atu le ata o Iesu o lo o Tatalo i Ketesemane (Taga Ata o le Talalelei, 227). Faitau atu le tala i le tusi paia e uiga ia Iesu i Ketesemane, o lo o maua i le Mataio 26:36–46, Luka 22:39–46, po o le Mataupu Faavae ma Feagaiga 19:16–19. Tofi ni tagata o le aiga e fetufaai mai ni o latou lagona e uiga i le Togiola a Iesu Keriso.