Lesona 36
“O E Ua Alofaina E Le Atua, O E Ua Valaauina E Fai Ma Tagata Paia”
Roma
-
Ua tauamiotonuina i tatou pe a tatou lelei ma le Atua, faamamaina mai faasalaga o le agasala, ma amiotonu ma le le nofosala. Aisea e manaomia ai le tauamiotonuina o i tatou? (Tagai Roma 3:10–12, 23; tagai foi Alema 7:21.) O le a le mea na aoao atu e Paulo i le auala o lo o tauamiotonuina ai i tatou? (Tagai Roma 3:24, 28; 5:1–2; tagai foi 2 Nifae 2:6.)
-
E faapefea ona suitulaga le papatisoga i le maliu, tanumia, ma le toetu (toe fanaufouina)? (Tagai Roma 6:3–4; MFF 76:50–52.) E faapefea ona avea le papatisoga ma se tulaga o le toe fanaufouina ia te oe?
-
E faapefea ona e vaaia “le galulue faatasi o mea uma e lelei ai i latou o e ua alofa atu i le Atua”? (Roma 8:28).
-
O a ni uiga o tagata moni o le Au Paia o lo o tusia i le Roma 12:9–21? O fea o nei uiga e faigata ona e faataunuuina? O le a se mea e mafai ona e faia i lenei vaiaso e atinae ma faalauteleina ai ia uiga?
Fautuaga mo Talanoaga i Aiga
Faitau le faamatalaga i le vaega o le faasologa o mau, ona tuu atu lea i tagata o le aiga e tau mai ni tagata o le uarota po o le paranesi o lo o i ai uiga nei o lo o lisiina i le mau. Ia luitauina tagata taitoatasi o le aiga e fai se mea i le vaiaso fou e mulimuli ai i faataitaiga a nei tagata.