Lesona 34
“Taofi Mau Poloaiga, Pei ona Ou Tuuina atu Ia Te Outou”
-
O le a le uiga o le “leai se tane pe a le o i ai le fafine, e leai foi se fafine pe a le o i ai le tane i le Alii”? (1 Korinito 11:11). Aisea e taua ai fegalegaleaiga i le va o le tane ma le ava i le malo o le Atua? O le a se mea ua aoao mai ia i tatou e uiga i le ala e tatau ona ola ai le tane ma le ava i a laua fegalegaleaiga?
-
E tusa ai ma upu a Paulo, o a faamoemoega o le faamanatuga? (Tagai 1 Korinito 11:23–26; tagai foi i le Luka 22:19–20.) Aisea ua avea ai le suesueina o lo tatou agavaa ma vaega taua o le faamanatuga?
-
Ua fautuaina i tatou e tusitusiga paia e saili i meaalofa faaleagaga (1 Korinito 12:31; MFF 46:8). O le a se mafuaaga tatou te sailia ai meaalofa faaleagaga? (Tagai 1 Korinito 14:12; MFF 46:9.)
-
O le a le mea na aoao atu e Paulo e uiga i malo o le olioli ma le mamalu? (Tagai 1 Korinito 15:35–44; tagai foi i le MFF 88:27–32.) E faapefea ona aafia le olaga o lo o e ola ai i lou malamalama i le Toetutu ma malo o le olioli ma le mamalu?
Fautuaga mo Talanoaga i Aiga
Faitau nisi o fuaiupu mai mau o lo o i le vaega o le faasologa o mau. Ona talanoaina lea o fesili o lo o i le parakarafa lona tolu o lenei vaega. Tuuina atu le avanoa i tagata o le aiga e tuuina mai ni a latou faamatalaga i meaalofa a le agaga ua latou iloa mai nisi ua faamalosia ai le aiga atoa. Fesoasoani i tagata taitoatasi o le aiga, ina ia iloa o ia o se vaega taua o le aiga.