Lesona 21
“O Le a Le Faailoga O Lona Afio Mai?”
Iosefa Samita—Mataio (Mataio 24)
-
O le a le faailoga o le afio mai o le Faaola o lo o faamatala mai i le Iosefa Samita—Mataio 1:22? O a ni faamaoniga e te iloa ai ua faataunuuina lea valoaga? E faapefea ona tatou alo ese mai le faaseseina e perofeta pepelo? (Tagai Mataio 7:15–20; MFF 45:57; 46:7–8.)
-
Ua aoao mai le Alii e le tatau “ona tatou atuatuvale” i taua ma tala o taua (Iosefa Samita—Mataio 1:23). E faapefea ona tatou maua le filemu i le taimi o puapuaga? (Tagai 1 Ioane 4:16–18; MFF 6:34–36; 45:34–35; 59:23.)
-
Na fetalai atu le Alii ia i latou na mulimuli atu ia te ia i Ierusalema e “tutu i le mea paia” (Iosefa Samita— Mataio 1:12), ma na ia tuuina mai foi lea lava apoapoaiga i o tatou aso (MFF 87:8; 101:22). O a nisi nofoaga paia e tatau ona tatou tutu ai?
Fautuaga mo Talanoaga i Aiga
Talanoaina nisi o faailoga e muai faaali mai ai le Afio Faalua Mai, e pei ona faamatala mai i le vaega o le faasologa o mau. Tufatufa atu nusipepa ma mekasini a le Ekalesia lata mai. Tuu atu i tagata o le aiga e galulue taitoatasi pe fai vaega foi e faitau i nusipepa ma mekasini mo faailoga o le Afio Faalua Mai. A o latou fetufaaiina mai mea ua latou maua, ia talanoaina pe faapefea ona tatou saunia mo le Afio Faalua Mai.