Lesona 46
“E Mau Foi O Ia Ma I Latou, E Fai Foi i Latou Mona Nuu”
-
O le tasi o mea ua tatou aoaoina mai le Faaaliga mataupu e 6 o Satani na fefinaua’i ma le amiotonu i le talafaasolopito atoa o le lalolagi. I le Faaaliga 6:4–11, o a nisi o auala ua ia faia ai lea tulaga? O a ni togafiti a Satani o lo o ia faaaogaina i aso nei e taumafai ai e manumalo i le amiotonu? E mafai faapefea ona faatumauina lo tatou faamoemoe ma tumau le lelei o lo tatou vaai atu i le lumanai a o tatou tau le taua faasagatau atu ia Satani?
-
O le Afio Faalua Mai o Iesu Keriso o le a oo mai i le Meleniuma, o le afe tausaga lea o le a nofotupu ai Keriso i le lalolagi. O le a le mea o le a tupu ia Satani i le taimi o le Meleniuma? (Tagai Faaaliga 20:1–3.) O le a faapefea le olaga pe a saisaitia Satani? (Tagai 1 Nifae 22:26; MFF 45:55, 58.) E faapefea ona tatou faaitiitia le malosi o Satani i o tatou olaga i le taimi nei?
Fautuaga mo Talanoaga i Aiga
Faitau le Faaaliga 20:1–3, lea o lo o taua ai le saisaitia o Satani i le taimi o le Meleniuma. Ona tuuina atu lea i tagata o le aiga ni nusipepa po o ni tusiata mekasini lata mai. Fai atu latou te matamata i nusipepa po o tusiata mekasini ma filifili ni mataupu atonu o le a i ai pe le toe i ai foi i le nusipepa po o le tusiata mekasini i le taimi o le Meleniuma.