Lesona 20
“O i Talofa Ia Te Outou … Tagata Pepelo”
-
O le a le mea e te maofa ai i le tala faatusi paia i le tietie atu o Iesu ma le lotomaualalo i Ierusalema? (Tagai Mataio 21:1–11.) O le a sou manatu i se lagona e oo ia te oe pe ana e i ai i lena aso?
-
Aisea e te manatu ai e taua tele tulafono o lo o i le Mataio 22:37–40? O le a se mea e te faia e te ola atili ai i ia tulafono?
-
Na faatele ona faamalaiaina e le Faaola le au tusiupu ma le Au Faresaio aua o i latou o tagata pepelo. Sa latou gauai atu ma le atoatoa i sauniga le sao ma gaoioiga e faataga amiotonu ai, ae le amiotonu o latou loto (Mataio 23:13–33). O le a se mea e mafai ona e faia e tetee ai i le pepelo?
Fautuaga mo Talanoaga i Aiga
Ia tusia i luga o se fasipepa se ata o se laau ma ni ona lau ae leai ni fua. I le isi itu o le pepa, ia tusia ai se ata o se laau ma ona lau faatasi ai ma ona fua. Faaali atu i tagata o le aiga le ata o le laau e leai ni ona fua, ma fai atu i se tagata o le aiga e faitau mai le Mataio 21:17–20. Faamatala atu pe a tatou faataga amiotonu ae tatou te le ola amiotonu, ua pei i tatou o le laau e i ai lau ae le fua. Faaali atu i tagata o le aiga le ata o le laau o lo o i ai fua, ma uunaia i latou e ola amiotonu—ma faia ia sili atu ae le na o le faataga amiotonu.