Lesona 14
“O Ai Foi Le Tagata Ma Te Tuaoi?”
-
O le a le apoapoaiga a Iesu ia i latou o lo o naunau e fia maua le malosi silisili moni i lona malo? (Tagai Mataio 18:2–4; Mareko 9:35.) E faapefea ona avea i tatou faapei o se tamaitiiti ma sili atu ona usitai i le finagalo o lo tatou Tama Faalelagi?
-
I le aoaoina atu o le faataoto i le auauna le alofa, na faamamafa mai ai e Iesu le taua o le faamagalo atu i isi (Mataio 18:23–35). E faapefea ona faatusaina i tatou i auauna a le tupu i a tatou aitalafu i le Alii? O le a se mea ua e aoaoina mai faataitaiga a le tupu e faamagalo atu i isi? O a ni mea e leaga ai le le faamagalo atu i isi? (Tagai Mataio 18:34–35.)
-
O le a se mea ua mafai ona e aoaoina mai le faataoto i le Samaria agalelei? (Tagai Luka 10:25–37.) Ua faapefea ona faamanuiaina oe e “Samaria agalelei”? E faapefea ona avea oe ma “Samaria agalelei”? (Tagai Mosaea 4:26.)
Fautuaga mo Talanoaga i Aiga
Faitau le faataoto i le Samaria agalelei (Luka 10:25–37). Ia gauai atu i le valaaulia a le Faaola e “alu, ma fai e pei ona ou faia” (Luka 10:37). Ona fai lea o se lisi o au uo, tagata o lou aiga, ma isi tagata masani ma fai atu i tagata o le aiga e tuuina mai ni a latou igoa i le lisi. Ia fuafuaina e auauna atu i se tagata se toatasi pe toalua foi o lo o i le lisi i le vaiaso o le a sau.
Atonu e te manao e usu faatasi le viiga “Ua Ou Faia Ea Se Lelei?” (Viiga nu. 136), o se vaega o lenei talanoaga i Aiga.