Lesona 40
“Ou Te Mafaia Mea Uma Lava I Le Faamalosi Mai O Keriso”
Filipi; Kolose; Filemoni
-
E faapefea ona tatou faaaogaina lapataiga a Paulo i le Filipi 4:8? (Tagai foi i Mataupu Faavae o le Faatuatua 1:13.) E faapefea ona faamanuiaina i tatou pe a tatou mulimuli i nei lapataiga?
-
O le a le uiga o le “tutumau ma mausali” i le talalelei? (Tagai Kolose 1:23.) O le a le mafuaaga e ala ai ona “faateaeseina isi mai le faamoemoe o le talalelei”? (Kolose 1:23). O le a le mea e mafai ona e faia e faamalosia ai lau molimau?
-
Na faamamafaina soo mai e Paulo le taua o le loto faafetai (Kolose 2:7; 3:15, 17). Aisea e taua ai le loto faafetai? E faapefea ona faaali atu lou loto faafetai i le Tama Faalelagi ma le Faaola?
Fautuaga mo Talanoaga i Aiga
Ia tusia le mataupu faavae lona sefulu ma le tolu o le faatuatua i luga o se laupapa, pepa malo, po o se fasi pepa. Tuu atu i le aiga latou te faitauina fuaiupu ia sili atu i le tasi ona faitauina. O taimi taitasi e faitau ai le fuaiupu, ia ufiufi pe tape ese se upu autu. Fai atu i tagata o le aiga e toe faitau le fuaiupu seia oo ina o latou taulotoina.