Lesona 45
“O Le Manumalo e Maua e Ia Mea Uma”
-
O le a le mea na fetalai mai ai le Faaola i le faaaliga na oo ia Ioane? (Tagai Faaaliga 1:16.) O le a le uiga o le pelu? (Tagai MFF 6:2.) O a ni ala e avea ai le upu a le Alii ma pelu? (Tagai Eperu 4:12; Helamana 3:29.)
-
I le faaaliga a Ioane, o a folafolaga a le Alii ia i latou e manumalo i tiga ma faaosoosoga faaletino? (Tagai i le vaega o le faasologa o mau.)
-
O le a faapefea ona manumalo le Ekalesia ma malo o le Atua ia Satani? (Tagai Faaaliga 12:11.) E mafai faapefea ona fesoasoani ia te oe lau molimau ma le Togiola a Keriso i au lava tauiviga ma Satani?
Fautuaga mo Talanoaga i Aiga
Faitau le Faaaliga 6:12–14 ma le 16:18–21, ma faamatala atu o nei fuaiupu o lo o faamatalaina mai ai mea na vaaia e Ioane i le faaaliga na ia maua i aso mulimuli. Ona faamatala atu lea, e ui lava o nisi o valoaga i le tusi o Faaaliga e faamata’uina ai i tatou, o isi valoaga o lo o i le tusi o Faaaliga e mafai ona aumaia ai se faamoemoega mo i tatou ma fesoasoani ina ia tatou le fefefe i taimi o puapuaga. Faitau atu ni fuaiupu mai mau o lo o i le vaega o le faasologa o mau e saili ai nisi o ia savali o faamoemoega.