Lesona 39
“Ina Ia Faaatoatoaina Ai Le Au Paia”
Efeso
-
O le a le mea na aoao atu e Paulo i le Efeso 2:20 ma le Efeso 4:11–14 e uiga i le taua o aposetolo ma perofeta? Aisea e taua ai perofeta soifua ma aposetolo i le Ekalesia moni? O a nisi o aoaoga mai aposetolo ma perofeta o aso nei o lo o fesoasoani i lo tatou agai atu i le faaatoatoaina ma le lotogatasi?
-
E faapefea ona fesoasoani lapataiga a Paulo i le Efeso 6:1–4 e faamalosia ai fegalegaleaiga i le aiga ma avea ai ma e lotogatasi? O a lapataiga o lo o tuuina mai ia i tatou e aposetolo ma perofeta i ona po nei e uiga i aiga?
-
O a vaega eseese o le ofutau o le Atua o lo o taua e Paulo? O a mea o lo o faamatalaina mai e vaega taitasi? (Tagai Efeso 6:13–18; MFF 27:15–18.) E faapefea ona puipuia i tatou e vaega taitasi o ofutau o le Atua mai aafiaga a Satani? O le a le mea tatou te faia mo le faaaogaina o nei ofutau i aso taitasi?
Fautuaga mo Talanoaga i Aiga
Tuu atu i tagata taitoatasi o le aiga se fasipepa. Fai atu i tagata taitoatasi e sasae lana fasipepa. Ona tuuina atu lea o se tusi mafiafia i se tagata o le aiga ma fai atu i ai e taumafai e sasae uma itulau o le tusi i le taimi e tasi. Faamatala atu e pei ona faigata ona sasae itulau uma o le tusi ona o lo o mafiafia, e faapena le tatau ona tatou malolosi pe a faatasia i tatou ma lotogatasi i o tatou aiga ma le Ekalesia. Talanoaina le mea e mafai ona fai e lou aiga e siitia ai le lotogatasi i la outou uarota po o le paranesi.