Lesona 3
“Ua Fanau Ai Ia Te Outou … Se Faaola”
-
O a ni faailoga o le soifua mai o Iesu? (Tagai Luka 2:7.) O a ni ala o lo o faafitia ai e tagata i ona po nei le faaavanoaina o o latou olaga mo le Faaola? O le a se mea e mafai ona e faia e faaavanoa ai lou olaga mo ia?
-
O le a le mea na afio mai ai Iesu i le lalolagi? (Tagai 3 Nifae 27:13–16)
-
O le a le mea a “makoi mai sasae” na fai ina ua latou maua le tamaitiiti o Iesu? (Tagai Mataio 2:11.) O a ni meaalofa e mafai ona e ofoina atu mo le Alii?
-
A o tamaitiiti Iesu, “sa tupu lona poto ma lona tino, ma alofagia o ia e le Atua atoa ma tagata” (Luka 2:52). I se isi faaupuga, sa faateleina lona atamai, i le faaletino, faaleagaga, ma fesootaiga faaletagata. O a ni mea patino e mafai ona e faia e faatupulaia ai lou atamai, faaletino, faaleagaga, atoa ma fesootaiga faaletagata?
Fautuaga mo Talanoaga i Aiga
Ia faitauina ni laina mai ni Viiga o le Atua po o ni pese o le Peraimeri e uiga i le soifua mai o Iesu, ona tofi lea o ni tagata o le aiga e ta’u mai ia viiga po o ia pese. Ia usuina faatasi e le aiga se viiga po o se pese, ma talanoaina le taua o le manatua o le soifua mai o Iesu i le faagasologa o le tausaga ae le na o le vaitaimi o le Kerisimasi e mafaufau i ai.