Lesona 16
“O A’u Le Tauaso, Ua Ou Vaai Nei”
-
Sa faamaloloina e Iesu se alii na fanau mai o tauaso (Ioane 9:1–7). Na faapefea ona faatupulaia le molimau a lenei tama i lona faamalologa ao ia faaauau ona fetufaai atu? (Tagai Ioane 9:11, 17, 33, 38.) E faapefea ona faatupulaia lau molimau i lou fetufaaiina atu?
-
O le a le tali na tuuina atu e matua o le alii na tauaso ina ua fesiligia e le au Faresaio e uiga i lea vavega? (Tagai Ioane 9:18–23.) Aisea na tali atu ai matua faapea? (Tagai Ioane 9:22.) E faapefea ona tatou pei o matua o lenei alii i nisi taimi? E faapefea ona e lototoa i lau molimau?
-
I le talanoaga a Iesu i le leoleo mamoe ma mamoe, o ai o lo o faatusa i ai mamoe? (Ioane 10:4, 27.) O ai le leoleo mamoe? (Tagai Ioane 10:11.) O a ni uiga o le leoleo mamoe lelei? (Tagai Ioane 10:3–4, 7, 9–15.) E faapefea ona avea Iesu ma faataitaiga ua lelei atoatoa o se leoleo mamoe?
Fautuaga mo Talanoaga i Aiga
Faitau Ioane 9:1–38, fai atu i tagata o le aiga e saili ni auala na fesoasoani ai le Faaola i le alii tauaso ina ia pupula i le faaletino ma le faaleagaga. Talanoaina le auala e tutusa ai pe eseese ai foi le vaai faaletino ma le vaai faaleagaga. Fai atu i tagata o le aiga e talanoaina ni auala e mafai ai ona faateleina lo latou mafai ona “iloa” mea moni o le talalelei.