Lesona 15
“O Au Nei O Le Malamalama o le Lalolagi”
-
O le a le mea na faatonuina ai e Iesu tagata e fai ina ia maua ai se molimau o ana aoaoga? (Tagai Ioane 7:17.) E faapefea ona e faaaogaina lenei faatonuga i lou olaga?
-
O le a le uiga o Iesu o le malamalama o le lalolagi? (Tagai i le vaega o le faasologa o mau.) E faapefea ona e fesoasoani i isi ina ia latou iloa le malamalama na ofoina mai e Keriso? (Tagai Mataio 5:16; 28:18–20; Filipi 2:14–15.)
-
O le a le mea na folafola atu e Iesu ia i latou o le a mulimuli pea ia te ia? (Tagai Ioane 8:31–32.) O le a le mea ua faasaoloto mai ai i tatou e le upu moni? (Tagai Ioane 8:33–34.) E faapefea ona tatou nofo pologa ona o le faia o le agasala? (Tagai Alema 12:11; 34:35.) E faapefea ona faasaolotoina oe e le iloa o le upu moni?
Fautuaga mo Talanoaga i Aiga
Tape moli o le potu, ma toso pupuni po o faamalama. Fai atu i se tagata o le aiga e faia se mea faigofie e manaomia ai le vaai, e pei o le faitauina o se mau po o le faamatalaina o se ata. Ona toe ki lea o moli, tatala pupuni po o faamalama, ma fai atu i le tagata lava lea e tasi o le aiga e toe fai lea galuega. Talanoaina pe aisea e faigofie ai ona fai le galuega pe a ola le moli. Faitau le Ioane 8:12, ma fai atu i tagata o le aiga e talanoaina ni auala ua avea ai Iesu Keriso ma malamalama o le lalolagi.