Lesona 19
“O Lou Faatuatua Ua E Ola Ai”
-
Na faapefea ona faaalia e le alii tauaso i Ieriko lona faatuatua i le Alii? (Tagai Luka 18:38–42.) E faapefea ona faamanuiaina oe i lou faagaioia o lou faatuatua ia Iesu Keriso?
-
Na faapefea ona faaalia e Sakaio lona naunau e vaai ia Iesu? (Tagai Luka 19:3–4.) O le a le mea na ta’u atu e Iesu ia Sakaio ina ua ia iloa atu o ia i luga o le laau? (Tagai Luka 19:5.) Na faapefea ona tali atu Sakaio i fetalaiga a Iesu? (Tagai Luka 19:6.) O le a se mea tatou te faia e talia fiafia ai le Faaola i o tatou aiga?
-
O le a se mea e te ofo ai i le molimau a Mareta o lo o tusia i le Ioane 11:21–27?
Fautuaga mo Talanoaga i Aiga
Faitau le Ioane 11:1–46. Fai atu i tagata o le aiga pe faapefea ona avea lenei tala latou te mafaufau ai i le Faaola. Ia toe faamanatu fuaiupu o lo o faaalia ai le faatuatua o Maria ma Mareta ia Iesu Keriso. Fai atu i tagata o le aiga e filifili se mea e mafai ona latou faia e faaalia ai lo latou faatuatua i le Faaola.