Lesona 38
“E Pei Ona E Molitino I Mea Ia Te Au”
-
Na faaalia e Paulo lona lototele i lona faamatalaina atu i le toatele o tagata lototiga o Ierusalema, o le tala i lona liua ma lona vaaia o Iesu Keriso (Galuega 21:27–22:21). O anafea na e tuuina atu ai se molimau i se nofoaga e manaomia ai le lototele? Na faapefea ona e maua le lototele e faia lea tulaga? Na faapefea ona fesoasoani lou iloa e uiga i mea na faia e Paulo e te maua ai le lototele e fetufaai atu ai lau molimau i isi?
-
O le a le mea na tupu ina ua teena e le tautai o le vaa folau le lapataiga a Paulo e le talafeagai le faigamalaga ma le tau? (Tagai Galuega 27:7–20.) O le a le mea na musuia ai le taitai e aua le faalogo i le apoapoaiga a Paulo? (Tagai Galuega 27:11–12.) Aisea e teena ai e nisi o i tatou lapataiga a o tatou taitai o le Ekalesia? E faapefea ona e aoaoina le taua o le mulimuli i lapataiga a taitai o le Ekalesia?
Fautuaga mo Talanoaga i Aiga
Fai atu i tagata o le aiga e mafaufau i faitaitaiga a se tasi na musuia ai i latou ma aumaia ai le lototele. Fai atu latou te tau’ina mai tagata na latou mafaufau i ai ma le mafuaaga o lo latou filifilia o na tagata.