Lesona 30
“E Le Faailogaina Tagata e le Atua”
-
O a ni uiga na faaalia e nisi o tagata o le Ekalesia ina ua latou faalogo ua talai atu Peteru i Nuu Ese? (Tagai Galuega 11:1–3.) O le a le mea e tatau ona tatou faia pe a tatou mauaina ni faatonuga fou mai lo tatou taitai o le Ekalesia, e tusa lava pe muamua ona tatou le fiafia i ai, pe faigata foi ona tatou malamalama i ai? (Tagai Ioane 7:17; 2 Nifae 28:30; MFF 6:11, 14–15.)
-
O le a se mea o lo o taua mai i le tofiaina o Saulo ma Panapa e uiga i le auala o lo o filifilia ai tagata o le Ekalesia i le galuega a le Atua? (Tagai Galuega 13:1–3.) O a ni mea na tutupu na fesoasoani e te iloa ai o tofiga o le Ekalesia e musuia e le Agaga?
-
Na toe foi atu Paulo ma Panapa i aai na la faatuina ai paranesi o le Ekalesia e fesoasoani i tagata o le Au Paia ina ia “tutumau i le faatuatua” (Galuega 14:22; tagai foi i le fuaiupu Galuega 14:21 ma le Galuega 14:23). O le a se mea e te faia e lagolago ai tagata fou o lau uarota po o lau paranesi?
Fautuaga mo Talanoaga i Aiga
Ia talanoaina mea na tutupu ia Saulo ma Panapa a o avea ma faifeautalai (Galuega 13–14). Fetufaai atu ni mea na tutupu ia te oe a o avea oe ma se faifeautalai faamisiona, pe valaaulia se tagata ua maea sana misiona e fetufaai atu ni mea na tutupu i lana misiona. Talanoaina pe faapefea ona tutusa mea na oo ia Saulo ma Panapa, ma mea o lo o tutupu i faifeautalai i ona po nei. Ia tusi faatasi ma lou aiga se tusi i se faifeautalai. Ia tatalo faatasi faaleaiga, ma ole atu i le Tama Faalelagi e faamanuia ma puipui i faifeautalai faamisiona.