Lesona 5
“Toe Fanau”
-
Na ta’u atu e Iesu ia Nikotemo “a le toe fanau le tagata, e le mafai ona iloa e ia o le malo o le Atua” (Ioane 3:3). O le a le uiga o le toe fanauina? (Tagai i le vaega o le faasologa o mau.)
-
Faitau ma mafaufau loloto i le Alema 5:14–31 e pei o lo o talanoa mai Alema ia te oe. O le a le mea e moomia e te faia e oe lava ia “e fanauina ai oe faaleagaga … i la le Atua”? (Alema 5:14).
-
Na fetalai atu Iesu i le fafine Samaria e mafai ona ia tuuina atu ia te ia le “vai ola” (Ioane 4:10). E te manatu o le a le uiga o le “vai ola”? (Tagai 1 Nifae 11:25; MFF 63:23.) E faapefea ona tatou mauaina le vai ola? Ua faapefea ona faamanuiaina oe e lenei vai ola?
Fautuaga mo Talanoaga i Aiga
Tuu atu i tagata taitoatasi o le aiga se ipuinu. Ia tuu i ai ni vai i ipu taitasi, ona fai atu lea i tagata o le aiga e feinu. Fesili atu i tagata o le aiga pe ua latou manatu o le a latou toe moomia le toe ligi atu o se vai. Ona faitau lea o le Ioane 4:1–15, ma talanoaina fesili o lo o i le parakarafa e tolu o lea vaega. Molimau atu afai tatou te omai ia Keriso ma ola ai i lana talalelei, o le a tatou mauaina le “ola e faavavau” (Ioane 4:14).