Lesona 18
“Na Leiloa Foi o Ia, A Ua Maua”
-
O le a se mea ua mafai ona e aoaoina mai mea na faia e le leoleo mamoe i le faataoto i le mamoe na se, ma le fafine i le faataoto i tupe siliva? (Tagai MFF 18:10–13.) O a ni auala e mafai ai ona “leiloa” se tagata? O le a lo tatou tiute mo i latou ua leiloloa? (Tagai Luka 15:4–5, 8; Alema 31:34–35.)
-
I le faataoto i le atalii faamaimau oa, o le a le mea na faia e le tama ina ua ia vaaia lona atalii ua toe foi mai? (Tagai Luka 15:20.) Na faapefea ona tali atu le tama i le faatoesega a lona atalii? (Tagai Luka 15:21–24.) E faapefea ona tutusa le tali a lenei tama ma le tali a le Alii pe a tatou salamo? (Tagai Luka 15:7; Mosaea 26:30; MFF 58:42.)
Fautuaga mo Talanoaga i Aiga
Toe faamanatu le tala o le faamaloloina e Iesu o lepela e sefulu (Luka 17:11–19). Talanoaina nisi o mafuaaga e tutusa ai i latou ma lepela e toaiva, e le masani ona faafetai atu i le Alii. Ia talanoa i ni mea e mafai ona tatou faia e faaalia ai lo tatou faafetai i le Alii i aso taitasi.
Atonu e te manao e usu faatasi le “Ou Te Tu Ma Ofo” (Viiga nu. 107), e avea o se vaega o lenei talanoaga i aiga.