Lesona 4
“Ia Saunia e Outou le Ala o le Alii”
-
O le a le savali na talai atu e Ioane e saunia ai tagata mo le afio mai o le Faaola? (Tagai Mataio 3:1–2.) O le a le uiga o le salamo? (Tagai 2 Korinito 7:9–10; Luka 19:8; Mosaea 7:33; MFF 1:31–32; 58:42–43.)
-
A o e faitauina le fetaia’i o le Faaola ma Satani i le vao, o le a se mea ua e aoaoina e uiga i le onosaia o faaosoosoga? (Tagai Mataio 4:1–11.)
-
Ina ua maea ona maua se molimau o Iesu o le Mesia, na faapefea ona tali atu Filipo i le le talitonu o Natanielu? (Tagai Ioane 1:43–46.) O le a se mea e mafai ona e faia e valaau atu ai i isi e “omai e vaavaai” i le Faaola?
Fautuaga mo Talanoaga i Aiga
Ia saunia se lesona e fesoasoani ai i tagata o le aiga o lo o sauni atu e papatiso po o le talanoaina o ni auala e fesoasoani ai i tagata liliu mai o le a papatisoina. Ia talanoaina pe aisea na moomia ai le papatisoina o Iesu, (Mataio 3:13–15; 2 Nifae 31:6–9) ma le mafuaaga tatou te moomia ai le papatisoga (2 Nifae 31:5, 10–12; MFF 20:71–73; 49:13–14). Ia tofi ni tagata o le aiga ua maea ona papatisoina e faamatala mai le taimi na papatiso ai i latou ma faaali mai ni o latou lagona e uiga i faamanuiaga ua latou mauaina ina ua papatiso.