Lesona 29
“Ua Faatoateleina Ai le Au Soo”
-
Ao faatupulaia le ola o le Ekalesia muamua, o nisi sa fefinaua’i ma isi (Galuega 6:1). E faapefea e i tatou o tagata o le Ekalesia ona aloese mai fefinauaiga ma feeseeseaiga ia i tatou lava? Aisea e taua ai lo tatou faia o lea mea?
-
Na faapefea ona feiloai Filipo ma le tagata Aitiope o le enuka? (Tagai Galuega 8:25–29.) O a faamanuiaga na oo mai ia Filipo ma le Aitiope ona o le mulimuli o Filipo i le Agaga? (Tagai Galuega 8:30–38.) O a ni faamanuiaga ua oo mai ia te oe (po o se tasi e te iloa) ona ua e mulimuli i le Agaga?
-
Na suia Saulo mai se tagata faasaua i le Au Paia ma avea ma auauna sili a le Alii ina ua ia faalogo i le siufofoga o le Alii (Galuega 9:1–9, 17). E faapefea ona tatou lagona le siufofoga o le Alii? (Tagai MFF 1:38; 6:23; 8:2; 18:34–36.) E faapefea ona fesoasoani lona siufofoga e suia ai i tatou?
Fautuaga mo Talanoaga i Aiga
A maea ona faitau ma faailoga e le aiga mau o lo o i le vaega o le faasologa o mau, ona tuuina atu lea o fesili nei:
-
Aisea e te manatu ai e taua le avea ma tagata o le uarota (po o le paranesi)? O ai nisi o taitai ma faiaoga i la tatou uarota? O a mea latou te faia e fesoasoani ma lagolagoina ai i tatou? O a mea e mafai ona tatou faia e fesoasoani ma lagolagoina ai i latou?