Lesona 41
“Ua Iu Ia Te A’u Le Tausinioga”
1 Timoteo ma le 2 Timoteo; Tito
-
Aisea e “aoaoina ai e le aunoa, ae le au mafai ona oo ina iloa lelei o le upu moni” e isi tagata? (2 Timoteo 3:7). E faapefea ona tatou mautinoa o mea tatou te aoaoina e aumaia ai lo tatou malamalama i le upu moni? E faapefea ona faamanuiaina o tatou olaga ina ua tatou aoaoina o mataupu moni o le talalelei?
-
E te manatu o le a le uiga o le “fai oe ma fa’aa’oa’o i e ua faatuatua”? (1 Timoteo 4:12). E faapefea ona avea oe ma faataitaiga i vaega uma o lo o taua mai le 1 Timoteo 4:12? Na faapefea ona aafia oe ona o se tasi na avea ma “fa’aa’oa’o o e faatuatua”?
-
Aisea ua avea ai le manao i le tupe ma “pogai o mea leaga uma lava”? (Tagai 1 Timoteo 6:7–10.) E mafai faapefea ona tatou mautinoa tatou te le o taula’i atu i le tele o oa ma isi tamaoaiga faalelalolagi? (Tagai 1 Timoteo 6:17–19; Iakopo 2:18–19.)
Fautuaga mo Talanoaga i Aiga
Ia faaali atu ni ata, e pei o ata mai Taga Ata o le Talalelei po o ni ata mai lomiga a le Ekalesia, o lo o faatatau i ni tala faatusi paia e te iloa. Ona usuina lea o ni viiga po o ni pese o le Peraimeri. Pe a maea ona tagai i ata taitasi a o usuina viiga po o pese, fai atu i tagata o le aiga e fautua mai ni mataupu faavae, po o ni aoaoga o lo o mafai ona taua mai e le faaaogaina o nei ata ma viiga po o pese.