“Buhata ang mga Ordinansa, Sigun sa Akong Gihatag Kaninyo”

Katuyoan

Aron pagtabang sa mga sakop sa klase sa pag-ila sa kamahinungdanon sa pagpuyo sumala sa mga doktrina sa ebanghelyo ug sa pagdawat sa ordinansa sa priesthood.

Pagpangandam

Basaha, pamalandongi, ug i-ampo ang mahitungod sa mosunod nga mga kasulatan:
1. 1 Mga Taga-Corinto 11:1–3, 11–12. Si Pablo mitudlo sa relasyon sa mga bana ug mga asawa sa usag usa ug ngadto sa Ginoo.
2. 1 Mga Taga-Corinto 11:17–19. Si Pablo mitudlo nga ang sakramento usa ka timailhan sa sakripisyo sa Manluluwas ug kinahanglan nga pagaambitan agi og handumanan diha Kaniya.
3. 1 Mga Taga-Corinto 12–14. Si Pablo mitudlo nga adunay daghan nga espirituhanong mga gasa ug nga kini mahinungdanon ngadto sa Simbahan. Siya mitudlo nga ang gugmang putli labaw ka mahinungdanon kay sa bisan unsa nga gasa o matang. Siya mitudlo nga ang espirituhanon nga mga gasa kinahanglan pagagamiton alang sa kaayohan sa tanan.
4. 1 Mga Taga-Corinto 15. Si Pablo mitudlo nga tungod ni Jesukristo, kita mahimong mabanhaw. Siya usab mihisgot sa bunyag alang sa mga patay ug sa tulo ka mga ang-ang sa himaya.
Dugang nga basahonon: 3 Nephi 18:1–14; Moroni 7:44–48; 10:8–18; Doktrina ug mga Pakigsaad 46:1–26; 76:50–119; 88:27–32, 95–102.
Kon ang mosunod nga mga litrato anaa, gamita kini sa panahon sa leksyon sa paghulagway sa gugmang putli: Maghulat sa Atong Panahon (62316); Pagpasakay og apil sa Traysikol (62317); Kalingawan sa Pamilya (62384); Pagpangalagad ngadto sa Masakiton (62342 853; Pakete sa mga Hulagway sa Ebanghelyo 613); Pagtudlo sa Pamilya (Pakete sa mga Hulagway sa Ebanghelyo 614); Mag-alagad sa Usag Usa (Pakete sa mga Hulagway sa Ebanghelyo 615).
Sugyot alang sa pagtudlo: Aron sa pagtudlo sa ebanghelyo nga epektibo, ang mga magtutudlo nagkinahanglan og masinabuton nga kasingkasing. Aron mas makasabut sa mga panginahanglan sa mga sakop sa klase, ang mga magtutudlo kinahanglan magbaton og gugma nga putli ug magiyahan pinaagi sa Balaang Espiritu. Ang mga magtutudlo kinahanglan mainampoon nga maghunahuna sa mga panginahanglan sa matag sakop sa klase ug unsaon pagtabang nga matubag kadto nga mga panginahanglan. (Teaching, No Greater Call [36123], mga pahina 12–13, 31–39, 92, 98–99, 102.)

Gisugyot nga Pagpalambo sa Leksyon

Paghisgut ug Paggamit sa Kasulatan

Samtang ikaw magtudlo sa mosunod nga mga istorya sa kasulatan, hisguti kon sa unsa nga paagi kini magamit sa inadlaw-adlaw nga kinabuhi. Awhaga ang mga sakop sa klase sa pagpaambit sa mga kasinatian nga may kalabutan ngadto sa mga baruganan sa kasulatan.

1. Ang mga relasyon sa mga bana ug mga asawa uban sa usag usa ug ngadto sa Ginoo

Basaha ug hisguti ang 1 Mga Taga-Corinto 11:1–3, 11–12.

Unsa ang tulo ka mga relasyon nga gisulti ni Pablo diha sa 1 Mga Taga-Corinto 11:3? Ngano sa inyong hunahuna nga giapil ni Pablo ang tanan nga mga relasyon? Unsa nga mga kinaiya ang anaa diha sa relasyon tali ni Jesukristo ug sa iyang Amahan? (Tan-awa sa Juan 5:20; 8:29; 17:21–22.) Sa unsa nga paagi nga kita makapalambo niini nga mga kinaiya diha sa atong relasyon ngadto ni Jesukristo? Sa unsa nga paagi nga ang mga bana ug mga asawa makapalambo niini nga mga kinaiya diha sa ilang relasyon?
Unsa ang gipasabut sa “ni ang lalaki gawas sa babaye, ni ang babaye gawas sa lalaki, diha sa Ginoo”? (1 Mga Taga-Corinto 11:11). Ngano nga ang relasyon sa bana ug asawa mahinungdanon kaayo diha sa gingharian sa Dios? Unsa ang gitudlo niini kanato mahitungod kon unsaon sa mga bana ug mga asawa pagtagad sa usag usa?

Si Presidente Marion G. Romney mitudlo: “[Ang usa ka bana ug asawa] kinahanglan usa diha sa panag-uyon, pagtahud ug pagsinabtanay sa usag usa. Ni magplano o magsunod og kinaugalingon nga palakaw. Sila kinahanglan nga mokonsulta, mag-ampo, ug maghukom nga magkahiusa…. Hinumdumi nga ni ang asawa ni ang bana ulipon sa usag usa. Ang mga bana ug mga asawa managsama nga mga kauban” (“In the Image of God,” Ensign, Mar. 1978, 2, 4).

Kon ikaw migamit sa pang-atensyon nga kalihokan, hisguti kon sa unsa nga paagi nga kini nga relasyon makahimo sa ingon nga positibo o negatibo nga mga switch point sa atong mga kinabuhi.

2. Ang katuyoan sa sakramento

Basaha ug hisguti ang 1 Mga Taga-Corinto 11:17–29. Ipasabut nga daghan sa mga Santos sa Corinto ang wala magtuman sa katuyoan sa sakramento. Imbis mopokus sa ordinansa sa sakramento, sila nagbingkil sa usag usa ug nangaon ug nag-inom sa hilabihan (1 Mga Taga-Corinto 11:18–22).

Unsa ang labing una nga katuyoan sa miting sa sakramento? (Tan-awa sa Hubad ni Joseph Smith sa 1 Mga Taga-Corinto 11:20, Dili ba kini mao man ang pagkaon sa panihapon sa Ginoo?”)

Si Elder Jeffrey R. Holland mitudlo: “Uban sa hilabihan kaayo ka peligro nga mawala o maangkon, [ang sakramento] kinahanglan nga pagaambitan sa ser yoso nga paagi kay usahay kini dili mao. Kini kinahanglan nga usa ka gamhanan, malinawon nga yugto sa pagpamalandong. Kini kinahanglan magdasig sa espirituhanon nga mga pagbati ug mga pagkadani. Sa ingon kinahanglan nga dili kini dali-dalion. Kini dili usa ka butang nga ‘aron mahuman’ aron ang tinuod nga katuyoan sa katiguman sa sakramento mapadayon. Kini mao ang tinuod nga katuyoan sa katiguman” (sa Conference Report, Okt. 1995, 89; o Ensign, Nob. 1995, 68).
Sumala ni Pablo, unsa ang mga katuyoan sa sakramento? (Tan-awa sa 1 Mga Taga-Corinto 11:23–26; tan-awa usab sa Lucas 22:19–20.) Sa unsa nga paagi nga kita mas makapokus sa atong mga hunahuna ug mga kasingkasing nga mapunting diha ni Jesus samtang kita moambit sa sakramento?
Unsa ang gitudlo ni Pablo mahitungod sa kamahinungdanon sa pag-ambit sa sakramento nga takus? (Tan-awa sa 1 Mga Taga-Corinto 11:27–29.) Unsa ang gipasabut sa pag-ambit sa sakramento nga dili takus? Ngano nga ang pagsusi sa atong pagkatakus usa ka mahinungdanon nga bahin sa sakramento?
Sa unsa nga paagi nga ang pag-ambit sa sakramento nakapanalangin kaninyo? Sa unsa nga paagi nga kita makahimo niini nga ordinansa nga mas makahuluganon diha sa atong mga kinabuhi?

Kon ikaw mogamit sa pang-atensyon nga kalihokan, hisguti kon sa unsa nga paagi nga ang atong mga kinaiya ngadto sa sakramento mahimong switch point sa atong mga kinabuhi.

3. Ang kamahinungdanon sa tanang espirituhanon nga mga gasa

Hisguti ang 1 Mga Taga-Corinto 12–14. Dapita ang mga sakop sa klase sa pagbasa og kusog sa pinili nga mga bersikulo. Ipasabut nga ang sulat ni Pedro nagsugyot nga ang mga Santos sa Corinto malagmit mihatag pag-ayo og dakong importansya sa gasa sa mga pinulongan (1 Mga Taga-Corinto 14:2–14, 27–28). Diha sa kapitulo 12–14, si Pablo mipasabut nga ang tanan nga gasa sa Espiritu mahinungdanon, apan nga ang mga Santos kinahanglan nga magtinguha sa mga gasa nga mahimong alang sa kaayohan sa tanan.

Unsa ang espirituhanong mga gasa? (Espirituhanon nga mga panalangin o kahanas nga gihatag pinaagi sa Espiritu Santo. (Tan-awa sa 1 Mga Taga-Corinto 12:7–11; D&P 46:11.) Ngano nga ang Dios mohatag sa espirituhanon nga mga gasa? (Tan-awa sa D&P 46:26.)
Unsa nga mga gasa sa Espiritu ang inyong nasinati o namatikdan? (Ikaw mahimo nga molista ug mohisgut sa uban nga espirituhanong mga gasa ingon sa gipadayag sa 1 Mga Taga-Corinto 12:8–10, Moroni 10:8–17, ug D&P 46:13–25.) Sa unsa nga paagi nga kini nga mga gasa nakapanalangin kaninyo o sa uban?
Ngano sa inyong hunahuna nga si Pablo mitandi sa mga miyembro sa Simbahan ngadto sa nagkalainlain nga mga bahin sa lawas? (1 Mga Taga-Corinto 12:12–25. Aron pagpakita nga ang matag miyembro mahinungdanon ngadto sa uban nga mga miyembro ug ngadto sa Simbahan ingon nga usa.) Sa unsa nga paagi nga kita makagamit niini nga pagtandi ngadto sa nagkalainlain nga mga gasa sa Espiritu?
Ang mga kasulatan mitambag kanato sa pagtinguha sa espirituhanon nga mga gasa (1 Mga Taga-Corinto 12:31; D&P 46:8). Unsa ang kinahanglan nga atong mga katarungan alang sa pagtinguha sa espirituhanon nga mga gasa? (Tan-awa sa 1 Mga Taga-Corinto 14:12; D&P 46:9. Kon gikinahanglan, ipasabut nga ang paghatag og kaayohan mao ang pagtukod, pagtudlo, paglambo ug paglamdag.)
Unsa ang gitudlo ni Pablo nga mao ang labing mahinungdanon sa tanang espirituhanon nga mga gasa? (Tan-awa sa 1 Mga Taga-Corinto 13. Hatagi og kahulugan ang matag hiyas sa gugma nga putli nga gisulti diha sa mga bersikulo 4–7, ug hisguti kon sa unsa nga paagi nga kita makagamit niini diha sa atong mga kinabuhi. Ikaw mahimo nga molista sa mga hiyas diha sa pisara.) Ngano nga ang gugmang putli mas mahinungdanon man kay sa bisan unsa nga espirituhanon nga mga gasa? (Tan-awa sa 1 Mga Taga-Corinto 13:1–3, 8–13.)
Sa unsa nga paagi nga kamo napanalanginan pinaagi sa laing tawo kinsa mipakita og gugma nga putli diha kaninyo? Sa unsa nga paagi nga kita makapalambo og mas dakong gugma nga putli? (Tan-awa sa Moroni 7:44–48.)

Kon ikaw mogamit sa pang-atensyon nga kalihokan, hisguti kon sa unsa nga paagi nga ang gugma nga putli mahimong switch point diha sa atong mga kinabuhi.

4. Ang Pagkabanhaw ug ang mga ang-ang sa himaya

Basaha ug hisguti ang pinili nga mga bersikulo sa 1 Mga Taga-Corinto 15. Ipasabut nga daghan sa mga taga-Corinto nagsugod sa paglalis sa katinuod sa Pagkabanhaw (1 Mga Taga-Corinto 15:12).

Kinsa nga mga saksi sa Pagkabanhaw ang gihisgutan ni Pablo? (Tan-awa sa 1 Mga Taga-Corinto 15:5–8.) Ngano sa inyong hunahuna nga si Pablo mikutlo sa daghan kaayo nga mga saksi sa Pagkabanhaw? (Tan-awa sa 2 Mga Taga-Corinto 13:1.) Ngano nga ang mga saksi sa Pagkabanhaw importante alang kaninyo?
Unsa ang gitudlo ni Pablo mahitungod sa relasyon tali sa Pagkapukan ni Adan ug sa Pagkabanhaw? (Tan-awa sa 1 Mga Taga-Corinto 15:20–23.)
Sa unsa nga paagi nga si Pablo migamit sa doktrina sa bunyag alang sa mga patay aron pagtudlo mahitungod sa Pagkabanhaw? (Tan-awa sa 1 Mga Taga-Corinto 15:29. Ang ordinansa sa bunyag alang sa mga patay mahimong walay hinungdan kon wala ang Pagkabanhaw.)
Unsa ang gitudlo ni Pablo mahitungod sa mga gingharian sa himaya? (Tan-awa sa 1 Mga Taga-Corinto 15:35–44. Kita mabanhaw ngadto sa nagkalainlain nga mga gingharian sa himaya—celestial, terrestrial, o telestial. Tan-awa usab sa D&P 88:27–32.) Sa unsa nga paagi nga ang inyong kahibalo sa Pagkabanhaw ug sa mga gingharian sa himaya makaimpluwensya sa paagi sa inyong pagpuyo?

Panapos

Ipamatuod ang kamahinungdanon sa pagsunod sa mga doktrina nga modala kanato balik ngadto sa atong Amahan sa Langit. Kon ikaw migamit sa pang-atensyon nga kalihokan, dapita ang mga sakop sa klase sa pagsusi sa ilang kaugalingon nga mga kinabuhi alang sa mga switch point—mga kinaiya ug mga panglihok nga, kon sundon, makausab sa dalan sa ilang mga kinabuhi. Awhaga sila sa pagpili sa mga dalan nga positibo nga makaapekto sa ilang mga kinabuhi.

Dugang nga mga Ideya sa Pagtudlo

Ang mosunod nga materyal magdugang sa gisugyot nga outline sa leksyon. Ikaw mahimo nga mogamit sa usa o tanan niini nga mga ideya isip kabahin sa leksyon.

1. “Ang Dios dili Dios sa kasamok” (1 Mga Taga-Corinto 14:33)

Ipabasa sa mga sakop sa klase ang 1 Mga Taga-Corinto 14:33. Dayon ipangutana ang mosunod nga mga pangutana:

Unsa ang uban nga mga hilisgutan diin adunay daghan nga kasamok ug panagbingkil diha sa kalibutan? Ngano sa inyong hunahuna nga adunay daghan kaayong kasamok sa kalibutan? Sa unsa nga paagi nga ang Dios ang tigpasiugda … sa kalinaw”?

2. Pangbatan-on nga kalihokan

Sa dili pa ang klase, paghunahuna og pipila ka mga kahimtang diha sa inadlaw-adlaw nga mga kinabuhi sa mga batan-on diin sila adunay kahigayunan sa pagpakita og gugma nga putli (sama pananglit, nakakita og tawo kinsa nagkinahanglan og tabang diha sa tulunghaan, diha sa dili panag-uyon uban sa igsoon nga lalaki o igsoon nga babaye, o adunay higala kinsa gibati og kamingaw o wala matagad.) Ihatag kini nga mga kahimtang ngadto sa mga batan-on, ug pangutan-a kon unsaon nila paggamit sa mga hiyas sa gugma nga putli, ingon nga gitudlo ni Pablo diha sa 1 Mga Taga-Corinto 13, aron sa pagpalambo sa kahimtang.