Kapitulli 13
Shtëpia e Jezusit dhe e Atit të Tij Qiellor
Jezusi shkoi në tempull në Jeruzalem. Shumë njerëz ishin atje për të bërë flijim duke therur një kafshë dhe duke e djegur atë mbi altar. Flijimi i ndihmonte njerëzit të mendonin për Shpëtimtarin, që do të flijonte Veten duke vuajtur dhe duke vdekur për ta.
Disa njerëz nuk kishin kafshë për flijim. Njerëzit u shisnin atyre kafshë në tempull. Shitësit donin të fitonin shumë para. Ata nuk mendonin për Perëndinë.
Jezusi i pa njerëzit duke shitur kafshë në tempull. Ai tha se tempulli ishte shtëpia e Atit Qiellor, një vend i shenjtë. Ai u tha njerëzve se atje nuk duhet të blinin apo të shisnin gjëra.
Jezusi bëri një kamxhik, përmbysi tavolinat, i hodhi paratë në dysheme dhe i bëri shitësit të largoheshin nga tempulli. Ai nuk do t’i lejonte ata, të bënin ligësi në shtëpinë e Atit Qiellor.