Kapitulli 63
Pali Mbaron Misionin e Tij
Pali shkoi në tempull në Jeruzalem. Një grup hebrenjsh menduan se Pali kishte futur në tempull njerëz që nuk ishin hebrenj. Kjo i zemëroi hebrenjtë. Ata e nxorën Palin nga tempulli dhe e rrahën.
Ushtarët romakë e arrestuan Palin. Ata e lejuan t’u fliste hebrenjve. Pali u dëshmoi njerëzve se ai kishte parë dritë nga qielli dhe kishte dëgjuar zërin e Shpëtimtarit. Ai tha se Jezusi i kishte thënë atij të predikonte ungjillin.
Njerëzit nuk i besuan Palit. Ata donin ta vrisnin atë. Ushtarët e futën Palin në burg për atë natë.
Shpëtimtari e vizitoi Palin në burg dhe i tha të mos trembej. Ai tha se Pali do të shkonte në Romë dhe të jepte mësim ungjillin atje.
Për ta mbrojtur Palin, romakët e dërguan atë në një qytet tjetër. Atje ishte mbreti Agripa. Pali i tha mbretit Agripa se ai kishte qenë farise dhe kishte urryer njerëzit që besonin te Jezusi. Ai madje i kishte burgosur ata. Pastaj Pali kishte parë një dritë nga qielli dhe kishte dëgjuar zërin e Shpëtimtarit. Tani ai beson në Jezus.
Pali i dëshmoi mbretit Agripa se ungjilli ishte i vërtetë. Ai tha se Jezusi ishte ringjallur. Në një vegim, Jezu Krishti i kishte thënë Palit të jepte mësim ungjillin e Tij. Ngaqë ishte bindur, Palin e urrenin shumë njerëz.
Mbreti Agripa tha se Pali thuajse e kishte bërë atë të besonte në Jezus. Mbreti nuk mendonte se Pali duhej të vritej. Por ai duhej ta dërgonte Palin në Romë, ku duhej të vihej përpara gjyqit.
Pali ishte në burg në Romë, për dy vjet. Shumë njerëz erdhën për ta parë. Ai u mësoi atyre ungjillin. Pali shkroi letra për shenjtorë në vende të tjera. Disa nga këto letra, të quajtura letra, janë në Dhiatën e Re.
Pali e dinte se do vritej. Pali nuk kishte frikë. Ai u ishte bindur urdhërimeve të Perëndisë. Ai kishte dhënë mësime për ungjillin. Ai e kishte përfunduar misionin e tij. Pali e dinte se Ati Qiellor e donte. Ai gjithashtu e dinte se pasi të vdiste, ai do të jetonte me Atin Qiellor dhe me Jezu Krishtin.