Kapitulli 44
Shpëtimtari Shkon në Jeruzalem
Disa njerëz u thanë priftërinjve dhe farisenjve se Jezusi e kishte kthyer Llazarin përsëri në jetë. Farisenjtë menduan se kushdo do të besonte tek Jezusi. Ata kishin frikë se askush nuk do t’i dëgjonte ata.
Farisenjtë planifikuan një mënyrë për ta vrarë Jezusin. Ata pritën për Të që të vinte në Jeruzalem për festën e pashkës së hebrenjve.
Jezusi shkoi në Jeruzalem. Shumë njerëz dëgjuan se Ai po vinte dhe shkuan Ta takonin. Jezusi hyri në qytet hipur mbi një kërriç. Një profet kishte shkruar se Biri i Perëndisë do ta bënte këtë. Shumë njerëz besuan se Jezusi ishte Biri i Perëndisë. Ata vendosën degë palme dhe disa nga rrobat e tyre në tokë që Ai të kalonte mbi to. Ata thirrën hosana (rroftë) dhe thanë se Jezusi ishte mbreti i tyre.
Njerëzit në Jeruzalem erdhën të shihnin se çfarë po ndodhte. Ata pyetën se kush ishte Jezusi. Ata pyetën se kush ishte Jezusi.
Farisenjtë ishin egërsuar. Ata nuk donin që njerëzit të besonin se Jezusi ishte Shpëtimtari. Jezusi e dinte se farisenjtë donin Ta vrisnin.
Jezusi u tha dishepujve të Tij se Ai së shpejti do të vdiste. Ai do të vuante për mëkatet e të gjithë njerëzve dhe pastaj do të vdiste mbi një kryq. Ai ishte Shpëtimtari i botës. Kjo ishte arsyeja pse Ai kishte ardhur në tokë.