Kapitulli 58
Simoni dhe Priftëria
Shumë njerëz në Samari e dëgjuan dhe e besuan ungjillin. Ata u pagëzuan, por ata nuk e kishin Frymën e Shenjtë.
Pjetri dhe Gjoni shkuan në Samari. Ata vendosën duart mbi kokat e njerëzve dhe u dhanë atyre Frymën e Shenjtë.
Një burrë me emrin Simon pa Pjetrin dhe Gjonin që u jepnin njerëzve dhuratën e Frymës së Shenjtë. Simoni e dinte se dy Apostujt mund t’ua jepnin njerëzve dhuratën e Frymës së Shenjtë sepse ata kishin priftërinë. Ai donte gjithashtu të kishte priftërinë.
Ai i ofroi Pjetrit dhe Gjonit para për atë. Pjetri i tha Simonit se askush nuk mund ta blinte priftërinë. Perëndia ua jep atë burrave të drejtë. Pjetri e dinte se Simoni nuk ishte i drejtë Ai i tha atij të pendohej.