Kapitulli 24
Bija e Jairit Ngjallet
Një ditë Jairi, kryetari i një sinagoge ra tek këmbët e Shpëtimtarit.
Jairi tha se bija e tij 12-vjeçare ishte shumë sëmurë. Ai iu lut Jezusit të vinte dhe ta bekonte atë. Ai besonte se Jezusi mund ta bënte atë më mirë.
Jezusi filloi të ndjekë Jairin për në shtëpi, por Ai u ndal për të shëruar një grua. Ndërsa po i fliste asaj, dikush erdhi që t’i tregonte Jairit se ishte tepër vonë – vajza e tij kishte vdekur.
Jezusi e dëgjoi çfarë u tha. Ai i tha Jairit të mos kishte frikë por të besonte tek Ai.
Pastaj Jezusi shkoi me Jairsin në shtëpinë e këtij. Shtëpia ishte plot me njerëz që po qanin për shkak të vdekjes së vajzës së vogël.
Jezusi u tha atyre që vajza nuk kishte vdekur por po flinte. Njerëzit qeshën me Të. Ata ishin të sigurt se vajza kishte vdekur.
Shpëtimtari u tha të gjithëve të dilnin nga shtëpia përveç dishepujve të Tij, Jairit dhe bashkëshortes së Jairit. Ata shkuan në dhomën ku gjendej e shtrirë vajza e vogël.
Jezusi e mori vajzën nga dora. Ai i tha asaj të ngrihej. Ajo u ngrit dhe eci. Prindërit e saj u habitën. Jezusi u tha atyre të mos i thoshin njeriu për çka kishte ndodhur. Pastaj Ai u tha prindërve të saj t’i jepnin vajzës diçka për të ngrënë.