Kapitulli 52
Vuajtjet e Jezusit
Udhëheqësit e hebrenjve dërguan njerëz me shpata dhe me shkopinj në Kopshtin e Gjetsemanit.
Judë Iskarioti ishte me ta. Kryepriftërinjtë e kishin paguar Judën t’u tregonte njerëzve se ku ndodhej Jezusi.
Juda u tregoi njerëzve se kush ishte Jezusi duke e puthur Atë. Njerëzit e morën tutje Jezusin. Ata e ngacmonin dhe e godisnin Atë. Ata e çuan Jezusin te kryeprifti, Kajafa.
Udhëheqësit hebrenj i bënë pyetje Jezusit. Ata thanë se Ai kishte shkelur ligjin duke thënë se ishte Biri i Perëndisë. Jezusi u tha atyre se Ai ishte Biri i Perëndisë. Ata thanë se Jezusi ishte fajtor dhe duhej të vdiste.
Udhëheqësit hebrenj nuk e kishin autoritetin për ta vrarë Jezusin. Ata e çuan Atë tek Ponc Pilati, që mund ta dënonte Jezusin me vdekje. Udhëheqësit hebrenj i thanë Pilatit se Jezusi i kishte mësuar njerëzit të mos i bindeshin ligjit romak.
Pilati nuk mendonte se Jezusi kishte bërë ndonjë gjë të gabuar. Pilati donte ta linte Jezusin të lirë. Turma donte që Jezusi të kryqëzohej.
Pilati përsëri donte ta linte Jezusin të lirë. Por priftërinjtë dhe njerëzit vazhdonin të bërtisnin që ata donin që Jezusi të kryqëzohej.
Pilati i lau duart e tij. Ai tha se ai nuk ishte përgjegjës për vdekjen e Jezusit. Njerëzit thanë se ata do të ishin përgjegjës për vdekjen e Tij. Pilati u tha ushtarëve të tij ta kryqëzonin Jezusin.